Éire: ag tacú le hathrú daonlathach sa Mheánoirthear agus san Afraic Thoir
Tá athruithe móra tarlaithe in go leor tíortha trasna an Mheánoirthir agus na hAfraice Thuaidh ag leanúint ó éirithe amach a thosaigh ag deireadh 2010, agus bhí tionchar mór acu ar an aitheantas ar uilíocht chearta an duine agus ardmhian i ndáil le saoirse agus daonlathas níos fearr.
Tacaíonn Éire, go náisiúnta agus i gcomhar lenár gcomhpháirtithe AE, le toil gnáthdaoine ar fud an réigiúin, arna léiriú go síochánta, athchóiriú daonlathach atá ag teastáil le fada a bhaint amach. Tá Rialtais spreagtha againn freagairt go dearfach d'ardmhianta na ngluaiseachtaí pobail feadh an réigiúin.
Luas an athraithe
Tá chomh maith is atá ag éirí le hathrú agus luas an athraithe an-éagsúil feadh an réigiúin agus tá curtha ina choinne go láidir i roinnt tíortha. Ní fhéadfar athrú a stiúradh ón taobh amuigh, ach thacaigh Éire le hiarrachtaí AE athchóiriú agus tógáil institiúidí daonlathacha a spreagadh trí chúnamh le hoiliúint agus cur le cumas i stáit a dteastaíonn struchtúir rialtais nua a fhorbairt iontu. Gheall an AE freisin rochtain níos fearr ar an margadh agus níos mó cúnaimh airgeadais do na tíortha i mbun athchóirithe.
Tá ár seasamh ar aon dul lenár gcuspóirí foriomlána don réigiún: tá muintir an domhain Arabaigh i dteideal na gceart céanna, atá ag go leor daoine in Eoraip agus eile nach dtuigeann é sin. An ceart a gceannairí a roghnú, an ceart maireachtáil gan imní faoi ghéarleanúint, agus an ceart saol níos fearr a dhéanamh dá leanaí.
Daonlathas
Tá an Rialtas ag obair le caidreamh a neartú leis na rialtais nua a toghadh go daonlathach sa Libia agus sa Túinéis.
Creideann Éire gurb é sochaí shibhialta shaor agus bheo buntréith an daonlathais, agus go bhfuil sé chomh riachtanach céanna leis an mbosca ballóide. Spreagaimid rialtais sa réigiúin le dlíthe a rialaíonn sochaí shibhialta agus saoirse tuairimíochta agus comhlachais a chur ar aon dul le caighdeáin idirnáisiúnta.