Fianáin

Úsáidimid fianáin ionas go bhfaighidh tú an taithí is fearr ar ár láithreán agus comhlíonaimid ár gceanglais Cosanta Sonraí ag an am céanna. Lean ort gan do chuid socruithe a athrú, agus gheobhaidh tú fianáin, nó athraigh do chuid socruithe fianáin ag aon tráth.

Tugann an tAire Deenihan cuairt ar Dhiaspóra na hÉireann in Albain

Aire Stáit Jimmy Deenihan, Preas Ráiteas, Éireann, 2015

Tabharfaidh Aire an Diaspóra, Jimmy Deenihan, TD, cuairt ar Albain inniu (Dé Céadaoin) le haghaidh sraith cruinnithe leis an bPobal Éireannach i nGlaschú agus i nDún Éideann.

Beidh cruinniú ag an Aire Deenihan le Fiona Hyslop freisin, Rúnaí Comh-aireachta don Chultúr, don Eoraip agus do Ghnóthaí Seachtracha le linn dó a bheith i nDún Éideann. Tabharfaidh sin deis don Aire Deenihan le buíochas a ghlacadh le húdaráis na hAlban as an gcúnamh a chuir siad ar fáil do theaghlach Karen Buckley.

Ag labhairt dó roimh a chuairte dúirt an tAire Deenihan:

Tuigim go rímhaith go dtagann mo chuairt le linn tréimhse fíor-dheacair don phobal Éireannach i nGlaschú, agus go deimhin do phobal na hAlban ina iomláine, tar éis bhás tragóideach Karen Buckley. Ba mhaith liom an deis seo a thapú le moladh a thabhairt d’Údaráis na hAlban as an gcúnamh ar fad a chuireadh ar fáil do theaghlach Buckley le linn tréimhse lenar bhain an cineál briseadh croí nach féidir a shamhlú.”

Beidh an tAire Deenihan i nGlaschú Dé Céadaoin agus beidh cruinniú aige leis na heagraíochtaí atá i mbun oibre leis an bpobal Éireannach, lena n-airítear Conradh na Gaeilge, an CLG, Fondúireacht Oidhreachta na hÉireann agus Comhaltas Ceoltóirí Éireann. Faigheann na heagraíochtaí seo go léir maoiniú faoi Chlár Tacaíochta Eisimirceach an Rialtais.

Táim ag tnúth go mór leis an deis dul i dteagmháil leis an bPobal Éireannach in Albain. Tá sé ríthábhachtach, mar chéad Aire an Diaspóra go mbíonn teagmháil agam le gach earnáil den phobal Éireannach thar lear.”

Le linn dó a bheith i nDún Éideann amárach, tabharfaidh an tAire Deenihan cuairt ar an Diaspora Studies Centre in Ollscoil Dún Éideann freisin agus tionólfaidh sé cruinniú le linn bricfeasta do príomhtheagmhálacha na ngnólachtaí Éireannacha in Albain. Is í seo an chéad chuairt ag an Aire Deenihan ar Albain ó ceapadh é mar Aire Gnóthaí Diaspóra.

CRÍOCH

An Phreasoifig

22 Aibreán 2015

Note to Editors:

  • The Department of Foreign Affairs and Trade Emigrant Support Programme (ESP) provides funding to not-for-profit organisations and projects to support Irish communities overseas and to facilitate the development of more strategic links between Ireland and the global Irish.
  • The key objectives of the ESP are to support projects and initiatives that address the needs of the most disadvantaged and vulnerable Irish emigrants; enhance access for Irish emigrants and Irish community organisations to local statutory and voluntary services; foster a more vibrant sense of community and Irish identity amongst the Irish abroad; and encourage closer links between Irish communities abroad and Ireland, to the benefit of both.
  • Since 2009, the Programme also supports projects aimed at creating practical results orientated links between Ireland and the global Irish, and projects that emerged as a consequence of the Global Irish Economic Forum and its follow up. In the past ten years over €114m has been disbursed from the Emigrant Support Programme in grants.
  • In 2014 funding totalling €144,244 (£114,470) was provided to organisations based in Scotland.