Fianáin

Úsáidimid fianáin ionas go bhfaighidh tú an taithí is fearr ar ár láithreán agus comhlíonaimid ár gceanglais Cosanta Sonraí ag an am céanna. Lean ort gan do chuid socruithe a athrú, agus gheobhaidh tú fianáin, nó athraigh do chuid socruithe fianáin ag aon tráth.

Deireadh tagtha le cuairt an Aire ar Bheirlín, inar dhírigh sé ar chúrsaí polaitíochta agus trádála

Minister Charles Flanagan, Preas Ráiteas, An Eoraip, 2016

Mar chuid d'obair an Rialtais i dtaobh dul i gcomhairle le comhpháirtithe san AE tar éis an reifrinn sa Ríocht Aontaithe, thug an tAire Flanagan cuairt inniu (an 8 Iúil 2016) ar Bheirlín le haghaidh cainteanna le hAire Gnóthaí Eachtracha na Gearmáine, an tUasal Steinmeier, le baill de Choiste um Ghnóthaí AE an Bundestag agus le Grúpa Parlaiminte na Gearmáine-na hÉireann, agus le hionadaithe ó phobal gnó na hÉireann sa Ghearmáin.

Ag labhairt dó i ndiaidh a chruinnithe leis an Aire Steinmeier, dúirt an tAire Flanagan:

"Rinne mé féin agus an tAire Gnóthaí Eachtracha Steinmeier iniúchadh grinn ar an gcosán atá romhainn san Aontas Eorpach i dtaobh déileáil le cinneadh na Ríochta Aontaithe dul amach as an Aontas Eorpach. Duit mé go soiléir go bhfuil Éire ina ball tiomanta den Aontas Eorpach agus gurb amhlaidh a bheidh san am atá le teacht.

"I gcás na Gearmáine, amhail Éire agus formhór na mBallstát eile, tá caidreamh fairsing aici leis an Ríocht Aontaithe i dtaobh cúrsaí geilleagracha agus cúrsaí trádála, agus dúirt an tUasal Steinmeier go soiléir go bhfuil an Ghearmáin, ach oiread linn féin, ag déanamh athbhreithniú ar an tionchar a bheidh ag cinneadh na Ríochta Aontaithe ar an nGearmáin agus ar an AE.

"Thapaigh mé an deis freisin chun cur síos a dhéanamh ar an gceangal atá idir Éire agus an AE, ceangal domhain ar an iomaí leibhéal, ar an tábhacht ollmhór a bhaineann le Comhaontú Aoine an Chéasta, ar ról luachmhar an AE i bpróiseas síochána Thuaisceart Éireann, agus ar na fadhbanna a d'fhéadfadh teacht chun cinn i ndáil leis an teorainn agus an Comhlimistéar Taistil.

"Leag mé béim air go mothaíonn Rialtas na hÉireann gur tábhachtach an rud é go mbeadh an Ghearmáin, agus go deimhin gach ceann dár gcomhpháirtithe san AE, ar an eolas faoi na hábhair chúraim ar leith atá againn maidir le Tuaisceart Éireann agus na naisc idir an Tuaisceart agus an Deisceart, agus go gcuirfí iadsan sa mheá agus muid ag ullmhú le haghaidh na caibidlíochta."

Tar éis dó bualadh le baill de Choiste Ghnóthaí AE an Bundestag agus le hionadaithe ó lucht gnó na hÉireann as gach cearn den Ghearmáin, dúirt an tAire Flanagan:

"I gcás bhaill an Bundestag ar bhuail mé leo ó cheann ceann an speictrim polaitíochta, bhí siad báúil do na hábhair chúraim atá ag Éirinn de bharr na Breatimeachta (Brexit), agus thuig siad an tábhacht a chuireann Éire leis an teorainn agus an Comhlimistéar Taistil. B'ábhar misnigh dom an tacaíocht láidir dár bPróiseas Síochána agus an t-aitheantas go gcaithfear an tsíocháin atá bainte amach againn a chosaint ar mhaithe le muintir na hÉireann, agus, go deimhin, le muintir na hEorpa.

"Spreag mé pobal gnó na hÉireann sa Ghearmáin chun cabhrú linn borradh a chur faoinár gcaidreamh trádála agus infheistíochta sa Ghearmáin agus níos faide anonn, agus éagsúlú a dhéanamh ar an gcaidreamh sin. Is cur chuige é sin a bheadh ina chuspóir againn ar aon chaoi, ach baineann tábhacht úr leis i gcomhthéacs na Breatimeachta."

Mar chuid d'obair an Rialtais i dtaobh dul i gcomhairle le comhpháirtithe san AE tar éis an reifrinn sa Ríocht Aontaithe, thug an tAire Flanagan cuairt inniu (an 8 Iúil 2016) ar Bheirlín le haghaidh cainteanna le hAire Gnóthaí Eachtracha na Gearmáine, an tUasal Steinmeier, le baill de Choiste um Ghnóthaí AE an Bundestag agus le Grúpa Parlaiminte na Gearmáine-na hÉireann, agus le hionadaithe ó phobal gnó na hÉireann sa Ghearmáin.

Ag labhairt dó i ndiaidh a chruinnithe leis an Aire Steinmeier, dúirt an tAire Flanagan:

"Rinne mé féin agus an tAire Gnóthaí Eachtracha Steinmeier iniúchadh grinn ar an gcosán atá romhainn san Aontas Eorpach i dtaobh déileáil le cinneadh na Ríochta Aontaithe dul amach as an Aontas Eorpach. Duit mé go soiléir go bhfuil Éire ina ball tiomanta den Aontas Eorpach agus gurb amhlaidh a bheidh san am atá le teacht.

"I gcás na Gearmáine, amhail Éire agus formhór na mBallstát eile, tá caidreamh fairsing aici leis an Ríocht Aontaithe i dtaobh cúrsaí geilleagracha agus cúrsaí trádála, agus dúirt an tUasal Steinmeier go soiléir go bhfuil an Ghearmáin, ach oiread linn féin, ag déanamh athbhreithniú ar an tionchar a bheidh ag cinneadh na Ríochta Aontaithe ar an nGearmáin agus ar an AE.

"Thapaigh mé an deis freisin chun cur síos a dhéanamh ar an gceangal atá idir Éire agus an AE, ceangal domhain ar an iomaí leibhéal, ar an tábhacht ollmhór a bhaineann le Comhaontú Aoine an Chéasta, ar ról luachmhar an AE i bpróiseas síochána Thuaisceart Éireann, agus ar na fadhbanna a d'fhéadfadh teacht chun cinn i ndáil leis an teorainn agus an Comhlimistéar Taistil.

"Leag mé béim air go mothaíonn Rialtas na hÉireann gur tábhachtach an rud é go mbeadh an Ghearmáin, agus go deimhin gach ceann dár gcomhpháirtithe san AE, ar an eolas faoi na hábhair chúraim ar leith atá againn maidir le Tuaisceart Éireann agus na naisc idir an Tuaisceart agus an Deisceart, agus go gcuirfí iadsan sa mheá agus muid ag ullmhú le haghaidh na caibidlíochta."

Tar éis dó bualadh le baill de Choiste Ghnóthaí AE an Bundestag agus le hionadaithe ó lucht gnó na hÉireann as gach cearn den Ghearmáin, dúirt an tAire Flanagan:

"I gcás bhaill an Bundestag ar bhuail mé leo ó cheann ceann an speictrim polaitíochta, bhí siad báúil do na hábhair chúraim atá ag Éirinn de bharr na Breatimeachta (Brexit), agus thuig siad an tábhacht a chuireann Éire leis an teorainn agus an Comhlimistéar Taistil. B'ábhar misnigh dom an tacaíocht láidir dár bPróiseas Síochána agus an t-aitheantas go gcaithfear an tsíocháin atá bainte amach againn a chosaint ar mhaithe le muintir na hÉireann, agus, go deimhin, le muintir na hEorpa.

"Spreag mé pobal gnó na hÉireann sa Ghearmáin chun cabhrú linn borradh a chur faoinár gcaidreamh trádála agus infheistíochta sa Ghearmáin agus níos faide anonn, agus éagsúlú a dhéanamh ar an gcaidreamh sin. Is cur chuige é sin a bheadh ina chuspóir againn ar aon chaoi, ach baineann tábhacht úr leis i gcomhthéacs na Breatimeachta."