Skip to main content

Fianáin

Úsáidimid fianáin ionas go bhfaighidh tú an taithí is fearr ar ár láithreán agus comhlíonaimid ár gceanglais Cosanta Sonraí ag an am céanna. Lean ort gan do chuid socruithe a athrú, agus gheobhaidh tú fianáin, nó athraigh do chuid socruithe fianáin ag aon tráth.

Cad is féidir linn a dhéanamh agus cad nach féidir linn a dhéanamh

Má tharlaíonn cás éigeandála duit agus tú thar lear, beidh áthas ar ár bhfoireann chonsalach cúnamh ar bith is féidir a thairiscint duit. Mar sin féin, ní mór duit a bheith ar an eolas go bhfuil teorainn leis an gcúnamh is féidir linn a thabhairt duit.

Is féidir linn an méid seo a leanas a dhéanamh:

  • Pasanna/doiciméid taistil éigeandála a eisiúint (má chomhlíontar critéir áirithe).
  • Comhairle a chur ort agus tacaíocht a thabhairt duit i gcás timpiste, tinneas tromchúiseach nó báis.
  • Cabhrú leat plé le póilíní nó le húdaráis áitiúla eile, go háirithe má tá bacainn teanga i gceist.
  • Teagmháil a dhéanamh le do theaghlach nó le cairde leat thar do cheann.
  • Cuairt a thabhairt ort sa phríosún má tá tú faoi choinneáil.
  • Airgead tirim a thabhairt ar iasacht duit i gcás éigeandála ar an gcoinníoll go mbeidh an méid atá ag teastáil uait taiscthe linn roimh ré i mBaile Átha Cliath nó i stáisiún áitiúil de chuid an Gharda Síochána.
  • Liosta a thabhairt duit do dhlíodóirí, dochtúirí nó ateangairí a bhfuil Béarla acu sa tír.
  • Liosta adhlacóirí sa cheantar a thabhairt duit i gcás báis.

Ní féidir linn an méid seo a leanas a dhéanamh:

  • Comhairle dlí nó comhairle liachta a chur ort.
  • A iarraidh go scaoilfí tú saor ó choimeád nó a iarraidh go dtabharfaí cóir fhabhrach duit agus tú faoi choimeád.
  • Íoc as cuairt a thabharfadh do ghaolta nó cairde leat ort agus tú sa phríosún.
  • A bheith páirteach i ndíospóidí tráchtála ar do shon.
  • A bheith páirteach in aon slí sna próisis dlí i dtír eile.
  • Do chuid billí leighis nó billí dlí a íoc (fiú ar bhonn sealadach).
  • Airgead tirim a thabhairt ar iasacht duit (ach amháin mar atá leagtha amach sa liosta rudaí is féidir linn a dhéanamh).
  • Déileáil le do chuideachta árachais ar do shon.