Ár mBeartas Príobháideachta

Tugann an Roinn Gnóthaí Eachtracha agus Trádála urraim do chearta a cuid úsáideoirí agus, tríd is tríd, ní bhailíonn sí faisnéis phearsanta de chineál ar bith. Nuair a chuireann úsáideoir faisnéis phearsanta ar fáil ar bhonn saorálach is chun na críocha a cuireadh an fhaisnéis ar fáil a úsáidfear í, agus ní thugtar d'aon tríú páirtí í, seachas nuair a chuirtear faisnéis ar fáil chun úsáid a bhaint as chun cabhair éigeandála a chur ar fáil do shaoránaigh Éireannacha thar lear. 

I gcás gnáthbhrabhsála gréasáin ní dhéantar aon fhaisnéis phearsanta a nochtadh dúinn, cé go mbíonn faisnéis staitistiúil áirithe ar fáil dúinn trínár soláthraí seirbhíse idirlín. Is féidir go mbeadh seoladh loighciúil d'fhreastalaí, an t-ainm fearainn uasleibhéil óna mbíonn teacht agat ar an Idirlíon (mar shampla, .ie, .com, .org srl), an cineál brabhsálaí atá á úsáid agat, an dáta agus an t-am a dtagann tú ar ár láithreán agus an seoladh idirlín a úsáideadh chun nascadh lenár láithreán ar chuid den fhaisnéis seo.

Baintear úsáid as cuid den fhaisnéis sin thuas chun staitisticí achoimre a chruthú lena dtugtar an deis dúinn teacht ar an líon cuairteoirí chuig ár láithreán, agus na leathanaigh sin is minice a dhírítear orthu a aithint. Úsáidimid na staitisticí seo le cuidiú linn ár láithreán a dhéanamh níos furasta a úsáid.