Fianáin

Úsáidimid fianáin ionas go bhfaighidh tú an taithí is fearr ar ár láithreán agus comhlíonaimid ár gceanglais Cosanta Sonraí ag an am céanna. Lean ort gan do chuid socruithe a athrú, agus gheobhaidh tú fianáin, nó athraigh do chuid socruithe fianáin ag aon tráth.

Skip to main content

Réamhrá

Réamhrá le Cúirteanna agus Binsí Idirnáisiúnta agus Díospóidí Idirnáisiúnta a Réiteach.

Gné ríthábhachtach de chóras dlí ar bith é díospóidí a réiteach go síochánta. Léiríonn tiomantas do dhíospóidí a réiteach go síochánta toilteanas easaontais a réiteach le prionsabail agus rialacha comhaontaithe. Chomh maith le cinntí breithiúnacha a fháil ar dhíospóidí, is minic a thugann stáit faoi eadráin agus idir-réiteach. Tréith reatha den dlíchóras idirnáisiúnta é an fás atá ar an líon comhlachtaí réitigh díospóidí idirnáisiúnta.

Réimse eile ar tháinig fás air le déanaí ná réimse an cheartais choiriúil idirnáisiúnta. Cé gur bunaíodh é le Trialacha Nuremburg agus Tóiceo i ndiaidh an Dara Cogadh Domhanda, ba thréimhse nua sa dlí coiriúil idirnáisiúnta a bhí i mbunú na mbinsí coiriúla ad hoc don Iar-Iúgslaiv agus do Ruanda sna 1990-idí. Ba é an deireadh a bhí leis an ngluaiseacht i dtreo deireadh a chur le bheith gan baol pionóis ná gur bunaíodh an chéad Bhuanchúirt Choiriúil Idirnáisiúnta in 2002, nuair a tháinig Reacht na Róimhe i bhfeidhm.   

Le blianta beaga anuas bunaíodh an “tríú glúin” de chúirteanna hibride chun déileáil le hainghníomhartha a tharla san am atá caite: Painéil Coireanna de chuid Chúirt Dúiche Dili, an Tíomóir Thoir; Painéil “Rialúchán 64”i gCúirteanna na Cosaive; an Chúirt Speisialta do Siarra Leon, agus na Dlísheomraí Úrghnácha i gCúirteanna na Cambóide agus an Binse Speisialta don Liobáin.

Tá staidéar mionsonraithe ar an iliomad eagraíochtaí breithiúnacha idirnáisiúnta seo, chomh maith le hábhair agus naisc áisiúla, ar fáil ó Project on International Courts and Tribunals