Fianáin

Úsáidimid fianáin ionas go bhfaighidh tú an taithí is fearr ar ár láithreán agus comhlíonaimid ár gceanglais Cosanta Sonraí ag an am céanna. Lean ort gan do chuid socruithe a athrú, agus gheobhaidh tú fianáin, nó athraigh do chuid socruithe fianáin ag aon tráth.

Skip to main content

Neodracht

Beartas neodrachta na hÉireann

Tá beartas neodrachta míleata á leanúint ag rialtais na hÉireann i ndiaidh a chéile, agus is saintréith a bhaineann leis sin nach bhfuil ballraíocht againn i gcomhghuaillíochtaí míleata.

osce-lessons-learned-george-mitchell

Tagann beartas neodrachta na hÉireann leis an tslí a mbímid ag cur síocháin agus cobhsaíocht idirnáisiúnta chun cinn. Táimid tiomanta dár n-oibleagáidí mar chomhaltaí de na Náisiúin Aontaithe, lena n-áirítear an oibleagáid, faoi chaibidil 7 de Chairt an UN, cuidiú le feidhmiú Réitigh Chomhairle Slándála an UN a bhfuil síocháin agus slándáil idirnáisiúnta a choimeád mar aidhm leo.

Thar na mblianta, is chun leasa dúinn a bhí ár mbeartas maidir le neodracht mhíleata agus na luachanna lena mbaineann, mar aon leis an gcúlra neamhchóilíneach a bhí againn agus sinn ag iarraidh a bheith ina gcomhalta cuiditheach den phobal idirnáisiúnta. Níor ghlac Rialtais i ndiaidh a chéile leis gur ionann a bheith neodrach agus gan aon ní a dhéanamh; is amhlaidh gur fheabhsaigh sé ár gclú go hidirnáisiúnta agus go gcuireann sé ar ár gcumas a bheith gníomhach níos éifeachtaí inár n-iarrachtaí le síocháin agus forbairt a chur chun cinn tríd an UN, an tAontas Eorpach agus ár ngníomhartha déthaobhaigh féin.

Tá sraith luachanna a chuireann leis an mbeartas sin – lena n-áirítear cearta daonna a chosaint, tacú le forbairt, agus dí-armáil a chur chun cinn agus fáil réidh le hairm ollscriosta – agus feictear sin dúinn mar nithe a chuidíonn go bunúsach le gnéithe míleata de bheith neodrach.

Tá ráthaíocht faighte ag Éire faoi Chonradh Liospóin go bhfanfaidh beartas neodrachta na tíre seo mar a bhí riamh anall mar a bhí gan athrú agus gan difear ag daingniú an Chonartha.