Fianáin

Úsáidimid fianáin ionas go bhfaighidh tú an taithí is fearr ar ár láithreán agus comhlíonaimid ár gceanglais Cosanta Sonraí ag an am céanna. Lean ort gan do chuid socruithe a athrú, agus gheobhaidh tú fianáin, nó athraigh do chuid socruithe fianáin ag aon tráth.

Conas a thabhairt faoi deara go mbeidh finné agat le haghaidh d’iarratais

Bheith mar fhinné i gcás iarratas ar phas in Éirinn

Céannacht (le comhlánú ag gach iarratasóir)

Toiliú tuismitheoirí/caomhnóirí (riachtanais bhreise do leanaí)

Pasanna a chailltear, a ghoidtear nó a ndéantar damáiste dóibh (Cuid 6 den fhoirm iarratais)

Bheith mar fhinné i gcás iarratas ar phas i dTuaisceart Éireann

Céannacht (le comhlánú ag gach iarratasóir)

Toiliú tuismitheoirí/caomhnóirí (riachtanais bhreise do leanaí)

Pasanna a chailltear, a ghoidtear nó a ndéantar damáiste dóibh (Cuid 6 den fhoirm iarratais)

Bheith mar fhinné in Éirinn

Céannacht

Beidh Garda sa stáisiún áitiúil de chuid an Gharda Síochána mar fhinné ar an bhfoirm iarratais le haghaidh pas; fhad atá siad sásta maidir le do chéannacht agus is dealramh fíor díot na ceithre ghrianghraf.

Bí cinnte go dtugann tú céannacht grianghraif leat agus go dtuigeann tú go bhféadfaidh an Garda cruthúnas breise ar chéannacht a iarraidh ort.

Ní mór duit:

  • Cuid 8 den fhoirm a shíniú i láthair an Gharda. Ní mór do gach duine atá seacht mbliana d’aois agus os a chionn a bhfoirm féin a shíniú

Ní mór don Gharda:

  • Cuid 9 den fhoirm a chomhlánú
  • Uimhir na foirme (atá ar fáil i gCuid 9 den fhoirm iarratais) a scríobh ar chúl dhá cheann de na ceithre ghrianghraf
  • Cúl an dá ghrianghraf sin a shíniú agus a stampáil

Ná déan dearmad…

Nach bhfuil an fhoirm iarratais bailí ach amháin go ceann sé mhí tar éis don fhinné í a shíniú.

Toiliú tuismitheoirí nó caomhnóirí

Riachtanas breise do leanaí é seo. Ní mór do gach duine atá faoi bhun 18 mbliana d’aois toiliú a dtuismitheoirí/a gcaomhnóirí a bheith acu chun pas a fháil agus ní mór go mbeidh finné i láthair nuair a thugtar toiliú.

Is é an t-aon eisceacht amháin atá ann ná má tá an leanbh pósta.

 Ní mór do thuismitheoirí/do chaomhnóirí:

 Ní mór don fhinné:

  • Cuid 7 a chomhlánú, a shíniú agus a stampáil agus uimhir ghutháin oibre is líne talún a thabhairt – ní ghlacfar le huimhreacha gutháin póca
  • Gach colún a shíniú ar leithligh más finné é nó í ar shíniú na beirte tuismitheoir/caomhnóir

Féadfaidh na daoine seo a leanas a bheith mar fhinné agat:

  • Comhalta den Gharda Síochána
  • Duine den chléir
  • Dochtúir liachta
  • Dlíodóir
  • Bainisteoir bainc/bainisteoir bainc cúnta
  • Ionadaí poiblí tofa
  • Nótaire poiblí/ coimisinéir mionn
  • Feidhmeannach síochána
  • Príomhoide/leas-phríomhoide scoile
  • Cuntasóir

Cuimhnigh…

Riachtanas breise do leanaí é an Chuid 7 seo agus baineann an liosta finnéithe thuas don chuid seo den iarratas amháin. Ní mór do Gharda Cuid 9 den iarratas a fhianú i gcónaí agus é/í féin a shásamh maidir le céannacht an linbh.

Pasanna a chailltear, a ghoidtear nó a ndéantar damáiste dóibh

Má chailltear do phas, má ghoidtear é nó má dhéantar damáiste dó, ní mór duit:

  • Cuid 6 den fhoirm iarratais a chomhlánú, á mhíniú conas a cailleadh/a goideadh do phas nó a ndearnadh damáiste dó
  • A chur faoi deara go mbeidh Garda mar fhinné air sin agus go ndéanfaidh sé/sí an fhoirm a stampáil

Má chailleann tú dhá phas nó níos mó, d’fhéadfaí srian a chur le tréimhse bailíochta an chéad phas eile agus d’fhéadfadh nach mbeidh sé indéanta do phas a réiteach laistigh de 10 lá oibre.

Ná déan dearmad…  

Ná déan iarracht, in imthosca ar bith, taisteal ar phas a tuairiscíodh gur cailleadh nó gur goideadh é.

Bheith mar fhinné i dTuaisceart Éireann

Céannacht

Féadfaidh duine de cheann de na gairmeacha a liostaítear thíos a bheith mar fhinné ar an bhfoirm iarratais ar phas fad atá siad sásta maidir le do chéannacht agus is dealramh fíor díot na ceithre ghrianghraf.

Bí cinnte go dtugann tú céannacht grianghraif leat agus go dtuigeann tú go bhféadfaidh an finné cruthúnas breise ar chéannacht a iarraidh ort – is dá rogha féin a dhéanfar sin. 

  • Póilín
  • Duine den chléir
  • Dochtúir liachta
  • Dlíodóir
  • Bainisteoir bainc/bainisteoir bainc cúnta
  • Ionadaí poiblí tofa
  • Nótaire poiblí/coimisinéir mionn
  • Feidhmeannach síochána
  • Príomhoide/leas-phríomhoide scoile
  • Cuntasóir 

Ní mór duit:

Cuid 8 den fhoirm a shíniú i láthair an fhinné. Ní mór do gach duine atá os cionn seacht mbliana d’aois a bhfoirm féin a shíniú

Ní mór don fhinné:

  • Cuid 9 den fhoirm a chomhlánú, agus uimhir ghutháin oibre is líne talún a thabhairt – ní ghlacfar le huimhreacha gutháin póca
  • Uimhir na foirme ó Chuid 9 a scríobh ar chúl dhá cheann de na ceithre ghrianghraf
  • Cúl an dá ghrianghraf sin a shíniú agus a stampáil

Ná déan dearmad…

  • Nach bhfuil an fhoirm iarratais bailí ach amháin go ceann sé mhí tar éis don fhinné í a shíniú.

Toiliú tuismitheoirí nó caomhnóirí

Riachtanas breise do leanaí é seo. Ní mór do gach duine atá faoi bhun 18 mbliana d’aois toiliú a dtuismitheoirí/a gcaomhnóirí a bheith acu chun pas a fháil.

Is é an t-aon eisceacht amháin atá ann ná má tá an leanbh pósta.

Ní mór do thuismitheoirí/do chaomhnóirí:

Ní mór don fhinné:

  • Cuid 7 a chomhlánú, a shíniú agus a stampáil agus uimhir ghutháin oibre is líne talún a thabhairt – ní ghlacfar le huimhreacha gutháin póca
  • Gach colún a shíniú ar leithligh más finné é nó í ar shíniú na beirte tuismitheoirí/caomhnóirí

Pasanna a chailltear, a ghoidtear nó a ndéantar damáiste dóibh

Má chailltear do phas, má ghoidtear é nó má dhéantar damáiste dó, ní mór duit:

  • Cuid 6 den fhoirm iarratais a chomhlánú, á mhíniú conas a cailleadh/a goideadh an pas roimhe sin nó a ndearnadh damáiste dó
  • A chur faoi deara go mbeidh an duine céanna mar fhinné air sin a bhí mar fhinné ar Chuid 9 den fhoirm iarratais agus go ndéanfaidh sé/sí an fhoirm a stampáil

Má chailleann tú dhá phas nó níos mó, d’fhéadfaí srian a chur le tréimhse bailíochta an chéad phas eile agus d’fhéadfadh nach mbeidh sé indéanta go bhfaighidh tú do phas laistigh de 10 lá oibre.

Ná déan dearmad…  

Ná déan iarracht, in imthosca ar bith, taisteal ar phas a tuairiscíodh gur cailleadh nó gur goideadh é.