Fianáin

Úsáidimid fianáin ionas go bhfaighidh tú an taithí is fearr ar ár láithreán agus comhlíonaimid ár gceanglais Cosanta Sonraí ag an am céanna. Lean ort gan do chuid socruithe a athrú, agus gheobhaidh tú fianáin, nó athraigh do chuid socruithe fianáin ag aon tráth.

Skip to main content

An Danmhairg

Má tá tú ag taisteal chun na Danmhairge, gheobhaidh tú leideanna praiticiúla agus eolas áisiúil sa mhír comhairle taistil agus san eolas nuashonraithe. Tá feidhm leis an gcomhairle taistil seo maidir le Ríocht na Danmhairge, a chuimsíonn Oileáin Fharó agus an Ghraonlainn, chomh maith leis an Danmhairg í féin.

Níl an leagan Gaeilge ar fáil go fóill, más maith leat an leagan Béarla a léamh féach thíos.

Get travel and medical insurance

Before travelling, the Department strongly recommends that you obtain a European Health Insurance Card (EHIC), available by contacting the Health Service Executive, and that you also obtain comprehensive travel insurance which will cover all overseas medical costs, including medical repatriation/evacuation, repatriation of remains and legal costs. You should check any exclusions and, in particular, that your policy covers you for the activities you want to undertake.

Forléargas

Déanaimid ár ndícheall an chomhairle taistil is déanaí a thabhairt duit i nGaeilge, ach mar gheall go bhféadfadh athrú an-tapa teacht ar chúrsaí, go háirithe i gcás géarchéime, ní féidir linn a ghealladh go mbeidh an chomhairle taistil i nGaeilge go hiomlán cothrom le dáta.  Lena chinntiú go bhfaighidh tú an chomhairle is déanaí, go háirithe maidir le stádas slándála, féach an leagan Béarla chomh maith, nó déan teagmháil díreach linn.

Stádas slándála

Má tá tú ag pleanáil cuairt ar an Danmhairg, moltar duit gnáth-réamhchúram a dhéanamh.

Cláraigh linn

Má tá sé i gceist agat cuairt a thabhairt ar an Danmhairg nó fanacht ann, ba chóir duit do chuid mionsonraí a chlárú linn, ionas go bhféadfaimid tú a aimsiú go tapa sa chás go dtarlódh géarchéim nach raibh súil léi, mar shampla tubaiste nádúrtha, nó eachtra éigeandála i do theaghlach, agus tú thar lear. Ansin, d’fhéadfaimis cabhair a thairiscint duitse nó do do theaghlach más gá.

Comhairle Uainne

Moltar duit an méid is féidir a fhoghlaim faoin Danmhairg sula dtéann tú ann.

Moltar duit freisin an treoir taistil Eolas Roimh Thaisteal a léamh chun leideanna praiticiúla a fháil ar thaisteal thar lear.

Cárta Árachais Sláinte Eorpach

Moltar duit Cárta Árachais Sláinte Eorpach (EHIC) a fháil sula dtaistealaíonn tú chun na Gréige. Tháinig an cárta seo isteach in áit na foirme E111 agus tugann sé teidlíocht duit cóireáil liachta éigeandála a fháil ar na téarmaí céanna le náisiúnaigh de chuid na Gréige.

Níl an EHIC beartaithe áit an árachais taistil a thógáil agus ní chlúdaíonn sé aisdúichiú liachta, cóireáil liachta leanúnach ná cóireáil nach bhfuil práinneach. Féadfaidh tú iarratas ar EHIC a dhéanamh ar líne ag www.ehic.ie.

Cúnamh Éigeandála

Is minic gur fearr a bhíonn daoine áitiúla in ann cabhrú leat, mar sin labhair le muintir na háite, d’ionadaí tionscnóra turas nó bainistíocht d’óstáin.  

Seirbhísí Éigeandála

112 an uimhir teileafóin do sheirbhísí éigeandála sa Danmhairg

D’fhéadfá an aip AkutDanmark a íoslódáil, aip a thaispeánann eolas i nDanmhairgis, i mBéarla nó i nGearmáinis faoi sheirbhísí éigeandála sa Danmhairg. Meaitseálann an aip an teanga atá socraithe ar do fón póca. Tá costas DKK 6 (thart ar €0.80) ar an aip agus is féidir í a íoslódáil ón siopa Aip agus ó Google Play.

Déan teagmháil leis an Ambasáid

I gcás éigeandála, nó má tá cabhair agus comhairle uait, féadfaidh tú teagmháil a dhéanamh le Ambasáid na hÉireann i gCóbanhávan.

Má ghlaonn tú lasmuigh d’uaireanta oibre, fág teachtaireacht le:

  • D'ainm
  • An cineál fadhb atá agat
  • An áit a bhfuil tú anois
  • Do chuid mionsonraí teagmhála (uimhir fón póca nó uimhir theileafóin don áit a bhfuil tú ag fanacht ann)

Déanaimid monatóireacht rialta ar na teachtaireachtaí sin agus déanfaidh duine den fhoireann teagmháil leat.

Conas is féidir linn cabhrú leat

Tá go leor taithí againn cabhrú le saoránaigh de chuid na hÉireann a mbíonn fadhbanna acu agus iad thar lear. Foghlaim níos mó faoin gcineál cúnaimh éigeandála is féidir linn a thairiscint duit

Sábháilteacht agus Slándáil

Comhairle phraiticiúil

  • Léigh an treoir taistil Eolas Roimh Thaisteal chun leideanna slándála áisiúla a fháil agus tú ag taisteal thar lear
  • Faigh eolas go háitiúil maidir le ceantair lena mbaineann baol agus ábhair imní slándála
  • Déan réamhchúram ciallmhar maidir le sábháilteacht agus slándáil
  • Bíodh an té le dul i dteagmháil leis i gcás éigeandála ar eolas agat

Corraíl shóisialta

Tá cúrsaí polaitíochta sách cobhsaí sa Danmhairg ach briseann corraíl shóisialta amach anois is arís, mar shampla bhí roinnt eachtra corraíola sibhialta ar leithligh ann, go háirithe i gceantar Christiania, i gCóbanhávan.

Bí ar an eolas faoina bhfuil ag tarlú timpeall ort trí mhonatóireacht a dhéanamh ar na meáin áitiúla agus trí fanacht i dteagmháil le d’óstán nó le do thionscnóir turais. Seachain léirsithe agus sluaite mar uaireanta bíonn trioblóid acu. 

Sceimhlitheoireacht

Cé nach bhfuil baol ard ó sceimhlitheoireacht sa Danmhairg, tá baol domhanda ann fós ó ionsaithe sceimhlitheoireachta neamh-idirdhealaitheacha, a d’fhéadfadh a bheith dírithe ar thargaidí sibhialta, lena n-áirítear áiteanna ina gcruinníonn turasóirí agus easaoránaigh.

Coiriúlacht

Tá ráta coiriúlachta sách íseal sa Danmhairg ach ba chóir duit réamhchúram ciallmhar a dhéanamh mar sin féin:

  • Ná bíodh do chárta creidmheasa, do thicéid taistil ná do chuid airgid ar iompar in éineacht agat – fág airgead breise agus nithe luachmhara in áit sábháilte
  • Ná bíodh do phas ar iompar agat ach amháin má tá géarghá leis agus fág cóip de do phas (agus de do dhoiciméid taistil agus árachais) le do theaghlach nó le cairde sa bhaile.
  • Ná taispeáin méideanna móra airgid go poiblí agus ná bain úsáid as ATManna tar éis thitim na hoíche, go háirithe má bhíonn tú leat féin. Seiceáil nach bhfuil aon duine do do leanúint tar éis duit do chuid gnó a chur i gcrích.
  • Seachain sráideanna agus staighrí dorcha nó gan soilse. Socraigh síob a fháil ó/go dtí chomh gar do dhoras d'óstáin/d'árasáin agus is féidir.
  • Coinnigh súil ghéar ar do chuid stuif agus coinnigh greim air in áiteanna poiblí mar caiféanna idirlín agus stáisiúin bus nó traenach.

Mionghadaíocht

Cé go bhfuil ráta coiriúlachta sách íseal sa Danmhairg, tá ardú beag tagtha ar choireanna neamh-fhoréigneacha le blianta beaga anuas.  Is maith le peasghadaithe áiteanna poiblí plódaithe sa séasúr turasóireachta, mar sin bí thar a bheith cúramach do chuid stuif pearsanta mar do phas, airgead, cártaí creidmheasa, a choimeád slán.

Coiriúlacht a chur in iúl

Má fhulaingíonn tú coir agus tú sa Danmhairg, cuir in iúl do na póilíní áitiúla láithreach é. Féadfaidh tú teagmháil a dhéanamh linn ag Ambasáid na hÉireann i gCóbanhávan má tá cabhair uait.

Tiomáint

Má tá sé i gceist agat a bheith ag tiomáint sa Danmhairg, ba chóir duit an réamhchúram céanna a dhéanamh is a dhéantar in Éirinn:

  • Tabhair leat do cheadúnas tiomána Éireannach iomlán agus bí cinnte go bhfuil árachas iomchuí agus dóthanach agat
  • Tá sé in aghaidh an dlí tiomáint faoi thionchar an óil nó drugaí agus tá baol go gcoinneofaí tú, go gcuirfí fíneáil ort nó go gcuirfí toirmeasc ar thiomáint ort dá mbéarfaí ort
  • Tabhair aird ar dhlíthe tráchta na Danmhairge: caitear ceannsoilse maolaithe a úsáid i gcónaí, bíonn fíneálacha trom le sáruithe páirceála gus bíonn luasteoireannacha uirbeacha níos ísle ná in Éirinn
  • Caith crios sábhála i gcónaí
  • Déan cinnte de go mbaineann leanaí faoi bhun sé bliana úsáid as suíocháin cearta sa charr
  • Coinnigh doirse na feithicle faoi ghlas agus ná bíodh málaí le feiceáil, ar fhaitíos go ndéanfaí iarracht iad a ghoid agus tú stoptha ag soilse tráchta
  • Féadfaidh coinníollacha bóithre oighreata a bheith ann sa gheimhreadh. Cuirtear salainn ar bhóithre i lár Chóbanhávan de ghnáth, ach b’fhéidir nach ndéantar amhlaidh lasmuigh den chathair.

Rothaithe

Bíonn go leor leor rothaithe ar na bóithre sa Danmhairg, mar sin bí cúramach, go háirithe is tú ag casadh ar dheis. Tugtar ceart slí don rothaí de ghnáth.

Má tá iompar poiblí á úsáid agat, bí cúramach ag dul ar bhusanna agus ag teacht astu, mar de ghnáth is idir an bóthar is an cosán a bhíonn na bealaí rothaíochta ainmnithe.

Ná siúl ar bhealaí rothaíochta riamh.

Más mian leat rothar a fháil ar cíos fad a bhíonn tú sa Danmhairg, déan cinnte go bhfuil soilse tosaigh agus cúil ag obair, go bhfuil frithchaiteoirí ar na boinn agus go bhfuil cloigín air - mura bhfuil, d’fhéadfaí fíneáil mhór a ghearradh ort.

Feithicil a fhruiliú

Má tá feithicil á fruiliú agat, moltar duit gan do phas a thabhairt ar lámh mar shlándáil. Fiú má thugann tú cead do phas a fhótachóipeáil, bíodh sé le feiceáil agat an t-am ar fad.

Seiceáil go bhfuil árachas dóthanach agat agus léigh téarmaí & coinníollacha an chonartha fruilithe feithicle (go háirithe aon tarscaoileadh a mbeadh feidhm leis dá ndéanfaí damáiste don fheithicil)

Dlíthe agus gnásanna áitiúla

Comhairle phraiticiúil

  • Léigh an chomhairle taistil, cuir tú féin ar an eolas sula dtaistealaíonn tú agus faigh comhairle go háitiúil nuair a bhaineann tú ceann scríbe amach
  • Cuimhnigh go mbaineann na dlíthe áitiúla leatsa, mar chuairteoir, agus nach mór duit cloí leo
  • Bí measúil ar nósanna, ar thraidisiúin agus ar chleachtais áitiúla, mar go mb’fhéidir go bhféachfaí ar an gcaoi a n-iompraíonn tú tú féin mar iompar a bheadh as bealach, naimhdeach nó in aghaidh an dlí.

Drugaí neamhdhleathacha

Gearrtar pionós géar ar úsáid drugaí neamhdhleathacha (is cuma cén druga é), lena n-áirítear fíneálacha agus téarmaí príosúin fada.

Céannacht phearsanta

Ba chóir duit céannacht phearsanta a bheith ar iompar agat i gcónaí, mar shampla pas nó ceadúnas tiomána.

Tubaistí nádúrtha agus an aeráid

Comhairle phraiticiúil

  • Má tá tú ag taisteal chun na Danmhairge, bí cinnte go dtuigeann tú cad atá romhat – ansin pleanáil agus pacáil dá réir
  • Faigh comhairle áitiúil faoin méid a cheart a dhéanamh i gcás eachtra tromchúiseach nó i gcoinníollacha contúirteacha
  • Comhoibrigh le húdaráis áitiúla agus le seirbhísí éigeandála i gcás eachtra tromchúiseach

Comhairle Taistil Te Fuara

An Aeráid

Bíonn báisteach thar a bheith trom agus maidhmeanna báistí san Danmhairg, ach go fíor-annamh. Tugtar rabhadh sna meáin, mar sin, coinnigh tú féin ar an eolas le linn do chuairte.

Eolas Breise

Riachtanais iontrála (víosa/pas)

Ní theastaíonn víosa ó shaoránaigh de chuid na hÉireann le dul isteach sa Danmhairg.

Sláinte

Tá córas sláinte ar fíor-ardchaighdeán sa Danmhairg, agus bíonn cóireáil liachta saor in aisce i gcás géarghortú éigeandála - cé go ngearrtar costas ar chúram iardain.

Airgeadra

Krone na Danmhairge an t-airgeadra sa Danmhairg.

An Ghraonlainn

Ba chóir do dhaoine atá ag taisteal chun na Graonlainne a bheith ar an eolas faoin mbaol breise a chruthaíonn dian-aeráid na Graonlainne, agus na hachair mhóra a bhíonn le taisteal chuig an áit agus timpeall uirthi. Maidir le taisteal ar long chúrsála sa tuaisceart, d’fhéadfadh tamall maith a bheith i gceist sula mbainfeadh cúnamh cuardaigh agus tarrthála an áit amach, laethanta fiú. Tá guaiseacha ag baint le taisteal ar thalamh freisin, agus ba chóir do dhuine ar bith atá ag smaoineamh air sin a dhéanamh treoraí áitiúil le taithí a fhostú.  

Saoráid nua-aimseartha, dea-fheistithe atá sa phríomh-ospidéal sa Ghraonlainn, Ospidéal na Banríona Ingrid in Nuuk. D’fhéadfaí gur ghá duine a aslonnú go dtí an Íoslainn nó níos faide, áfach, i gcás cúinsí liachta tromchúiseacha. Bíonn eitiltí mar sin thar a bheith costasach.

Mar gheall ar an méid sin uile, moltar go láidir do dhaoine a thaistealaíonn go ceantar na Graonlainne árachas taistil leordhóthanach a fháil le costas cóireála liachta nó aslonnú féideartha a chlúdach.