Fianáin

Úsáidimid fianáin ionas go bhfaighidh tú an taithí is fearr ar ár láithreán agus comhlíonaimid ár gceanglais Cosanta Sonraí ag an am céanna. Lean ort gan do chuid socruithe a athrú, agus gheobhaidh tú fianáin, nó athraigh do chuid socruithe fianáin ag aon tráth.

Skip to main content

An Fhionlainn

Má tá tú ag taisteal chun na Fionlainne, gheobhaidh tú leideanna praiticiúla agus eolas áisiúil sa mhír comhairle taistil agus san eolas nuashonraithe.

Níl an leagan Gaeilge ar fáil go fóill, más maith leat an leagan Béarla a léamh féach thíos.

Get travel and medical insurance

Before travelling, the Department strongly recommends that you obtain a European Health Insurance Card (EHIC), available by contacting the Health Service Executive, and that you also obtain comprehensive travel insurance which will cover all overseas medical costs, including medical repatriation/evacuation, repatriation of remains and legal costs. You should check any exclusions and, in particular, that your policy covers you for the activities you want to undertake.

Forléargas

Déanaimid ár ndícheall an chomhairle taistil is déanaí a thabhairt duit i nGaeilge, ach mar gheall go bhféadfadh athrú an-tapa teacht ar chúrsaí, go háirithe i gcás géarchéime, ní féidir linn a ghealladh go mbeidh an chomhairle taistil i nGaeilge go hiomlán cothrom le dáta.  Lena chinntiú go bhfaighidh tú an chomhairle is déanaí, go háirithe maidir le stádas slándála, féach an leagan Béarla chomh maith, nó déan teagmháil díreach linn.

Stádas slándála

Má tá tú ag pleanáil cuairt ar an Fhionlainn, moltar duit réamhchúram a dhéanamh.

Cláraigh linn

Má tá sé i gceist agat cuairt a thabhairt ar an Fhionlainn nó fanacht ann, ba chóir duit do chuid mionsonraí a chlárú linn, ionas go bhféadfaimid tú a aimsiú go tapa sa chás go dtarlódh géarchéim nach raibh súil léi, mar shampla tubaiste nádúrtha, nó eachtra éigeandála i do theaghlach, agus tú thar lear. Ansin, d’fhéadfaimis cabhair a thairiscint duitse nó do do theaghlach más gá.

Comhairle Uainne

Moltar duit an méid is féidir a fhoghlaim faoin Fhionlainn sula dtéann tú ann.

Moltar duit freisin an treoir taistil Eolas Roimh Thaisteal a léamh chun leideanna praiticiúla a fháil ar thaisteal thar lear.

Cárta Árachais Sláinte Eorpach

Moltar duit Cárta Árachais Sláinte Eorpach (EHIC) a fháil sula dtaistealaíonn tú chun na Fionlainne. Tháinig an cárta seo isteach in áit na foirme E111 agus tugann sé teidlíocht duit cóireáil liachta éigeandála a fháil ar na téarmaí céanna le náisiúnaigh de chuid na Fionlainne.

Níl an EHIC beartaithe áit an árachais taistil a thógáil agus ní chlúdaíonn sé aisdúichiú liachta, cóireáil liachta leanúnach ná cóireáil nach bhfuil práinneach. Dá bhrí sin moltar duit árachas príobháideach cuimsitheach liachta a fháil ar aon nós roimh thaisteal mar gur cóireáil éigeandála in ospidéil phríobháideacha amháin a chlúdaíonn an EHIC. Féadfaidh tú iarratas ar EHIC a dhéanamh ar líne ag www.ehic.ie.

Cúnamh Éigeandála

Is minic gur fearr a bhíonn daoine áitiúla in ann cabhrú leat, mar sin labhair le muintir na háite, d’ionadaí tionscnóra turas nó bainistíocht d’óstáin. 

Seirbhísí éigeandála

Is í 112 an uimhir éigeandála don Fhionlainn.

Déan teagmháil leis an Ambasáid

I gcás éigeandála, nó má tá cabhair agus comhairle uait, féadfaidh tú teagmháil a dhéanamh le Ambasáid na hÉireann in Heilsincí.

Má ghlaonn tú lasmuigh d’uaire oibre, éist leis an teachtaireacht taifeadta le do thoil. Má tá cúnamh éigeandála de dhíth ort, déan teagmháil le hOifigeach Dualgais na hAmbasáide ag an uimhir a chloisfidh tú sa teachtaireacht. Mura mbeidh cúnamh éigeandála de dhíth ort, fág teachtaireacht le do thoil agus cloisfear é an chéad lá oibre eile.

  • D'ainm
  • An cineál faidhbe atá agat
  • An áit a bhfuil tú anois
  • Do chuid mionsonraí teagmhála (uimhir fón póca nó uimhir theileafóin don áit a bhfuil tú ag fanacht ann)

Conas is féidir linn cabhrú leat

Tá go leor taithí againn cabhrú le saoránaigh de chuid na hÉireann a mbíonn fadhbanna acu agus iad thar lear. Foghlaim níos mó faoin gcineál cúnaimh éigeandála is féidir linn a thairiscint duit.

 

Sábháilteacht agus Slándáil

Comhairle phraiticiúil

  • Léigh an treoir taistil Eolas Roimh Thaisteal chun leideanna slándála áisiúla a fháil maidir le taisteal thar lear
  • Faigh eolas go háitiúil maidir le ceantair lena mbaineann baol agus ábhair imní slándála
  • Déan réamhchúram ciallmhar maidir le sábháilteacht agus slándáil
  • Bíodh an té le dul i dteagmháil leis i gcás éigeandála ar eolas agat

Sceimhlitheoireacht

Cé gur baol beag ó sceimhlitheoireacht atá san Fhionlainn, tá baol forleathan ann fós ó ionsaithe sceimhlitheoireachta neamh-idirdhealaitheacha, a d’fhéadfadh a bheith dírithe ar thargaidí sibhialta, lena n-áirítear áiteanna ina gcruinníonn turasóirí agus easaoránaigh. 

Coiriúlacht

Tá ráta coiriúlachta réasúnta íseal san Fhionlainn ach ba chóir duit réamhchúram ciallmhar a dhéanamh: 

  • Ná bíodh do chárta creidmheasa, do thicéid taistil ná do chuid airgid ar iompar in éineacht agat – fág airgead breise agus nithe luachmhara in áit sábháilte
  • Ná bíodh do phas ar iompar agat ach amháin má tá géarghá leis agus fág cóip de do phas (agus de do dhoiciméid taistil agus árachais) le do theaghlach nó le cairde sa bhaile.
  • Ná taispeáin méideanna móra airgid go poiblí agus ná bain úsáid as ATManna tar éis thitim na hoíche, go háirithe má bhíonn tú leat féin. Seiceáil nach bhfuil aon duine do do leanúint tar éis duit do chuid gnó a chur i gcrích.
  • Seachain sráideanna agus staighrí dorcha nó gan soilse. Socraigh síob a fháil ó/go dtí chomh gar do dhoras d'óstáin/d'árasáin agus is féidir.
  • Coinnigh súil ghéar ar do chuid stuif agus coinnigh greim air in áiteanna poiblí mar caiféanna idirlín agus stáisiúin bus nó traenach.

Coiriúlacht a chur in iúl

Má fhulaingíonn tú coir agus tá san Fhionlainn, cuir in iúl do na póilíní láithreach é. Agus féadfaidh tú teagmháil a dhéanamh linn ag Ambasáid na hÉireann in Heilsincí má tá cabhair uait.

Tiomáint

Má tá sé i gceist agat a bheith ag tiomáint san Fhionlainn, ba chóir duit a bheith cúramach, go háirithe i rith mhíonna an gheimhridh, nuair is féidir leis na bóithre a bheith guaiseach agus nuair atá bóithre oighreata coitianta. Más mian leat a bheith ag tiomáint:

  • Tabhair leat do cheadúnas tiomána Éireannach iomlán agus bí cinnte go bhfuil árachas iomchuí agus dóthanach agat
  • Tá sé in aghaidh an dlí tiomáint faoi thionchar an óil nó drugaí agus tá baol go gcoinneofaí tú, go gcuirfí fíneáil ort nó go gcuirfí toirmeasc ar thiomáint ort dá mbéarfaí ort
  • Tiomáin agus na ceannsoilse maolaithe i gcónaí
  • Bí ar an eolas faoi dhlíthe tráchta na Fionlainne, mar shampla luasteorainneacha
  • Caith crios sábhála i gcónaí
  • Bí cinnte go bhfuil boinn gheimhridh/sneachta (cinn le nó gan studaí) ar do charr ón 1 Nollaig go 31 Márta –  is ceanglas dlíthiúil é seo
  • Coinnigh doirse na feithicle faoi ghlas agus ná bíodh málaí le feiceáil, ar fhaitíos go ndéanfaí iarracht iad a ghoid agus tú stoptha ag soilse tráchta

Feithicil a fhruiliú

Má tá feithicil á fruiliú agat, moltar duit gan do phas a thabhairt ar lámh mar shlándáil. Fiú má thugann tú cead do phas a fhótachóipeáil, bíodh sé le feiceáil agat an t-am ar fad.

Seiceáil go bhfuil árachas dóthanach agat agus léigh téarmaí & coinníollacha an chonartha fruilithe feithicle (go háirithe aon tarscaoileadh a mbeadh feidhm leis dá ndéanfaí damáiste don fheithicil).

 

Dlíthe agus gnásanna áitiúla

Comhairle phraiticiúil

  • Léigh an chomhairle taistil, cuir tú féin ar an eolas sula dtaistealaíonn tú agus faigh comhairle go háitiúil nuair a bhaineann tú ceann scríbe amach
  • Cuimhnigh go mbaineann na dlíthe áitiúla leatsa, mar chuairteoir, agus nach mór duit cloí leo
  • Bí measúil ar nósanna, ar thraidisiúin agus ar chleachtais áitiúla, mar go mb’fhéidir go bhféachfaí ar an gcaoi a n-iompraíonn tú tú féin mar iompar a bheadh as bealach, naimhdeach nó in aghaidh an dlí.

Drugaí neamhdhleathacha

Gearrtar pionós géar ar úsáid drugaí neamhdhleathacha (is cuma cén druga é), lena n-áirítear fíneálacha agus téarmaí fada príosúin.

Alcól

Ní ceadaítear alcól a ól in áiteanna poiblí i gceantair faoi fhoirgnimh ná ar an gcóras iompair poiblí san Fhionlainn. Tá sé de cheart ag na póilíní aon rud nó aon substaint a d’fhéadfadh a bheith dainséarach a thógáil uait. D’fhéadfaí aon duine a sháraíonn an dlí seo a thabhairt ag ionad díthocsainithe agus/nó iad a fhíneáil.

Tubaistí nádúrtha agus an aeráid

Comhairle phraiticiúil

  • Má tá tú ag taisteal chun na Fionlainne, bí cinnte go dtuigeann tú cad atá romhat – ansin pleanáil agus pacáil dá réir
  • Faigh comhairle áitiúil faoin méid a cheart a dhéanamh i gcás eachtra tromchúiseach nó i gcoinníollacha contúirteacha
  • Comhoibrigh le húdaráis áitiúla agus le seirbhísí éigeandála i gcás eachtra tromchúiseach

Comhairle Taistil Te Fuara

Aeráid

Go ginearálta bíonn an samhradh te agus bíonn aimsir chineálta ann san earrach agus san fhómhar. Is féidir le corrmhíolta a bheith fairsing le linn aimsir te, go háirithe i dtuaisceart na tíre, agus mar sin teastóidh éarthach feithidí uait.

Is féidir le teocht an gheimhridh a bheith an-fhuar agus tá bróga agus éadach te riachtanach.

Caighdeán aeir

Is féidir le droch-chaighdeán aeir a bheith in Heilsincí ag amanna ar leith den bhliain (deireadh an earraigh/tús an tsamhraidh) agus, má fhulaingíonn tú ó ailléirgí, d’fhéadfadh do shláinte a  bheith níos measa ag na hamanna seo.

Eolas Breise

Riachtanais iontrála (víosa/pas)

Teastóidh pas bailí uait chun cuairt a thabhairt ar an Fhionlainn agus moltar duit roinnt fótachóipeanna de do phas a thabhairt leat. Ba chóir duit fótachóip de do phas a iompar an t-am ar fad le linn do chuairte.

Víosa

Níl víosa de dhíth ar shaoránaigh na hÉireann chun taisteal go dtí an Fhionlainn. Sa chás go mbeidh tú ag fanacht níos faide ná trí mhí, áfach, moltar duit do chuid mionsonraí a chlárú leis an Oifig Chlárúcháin Áitiúil.

Sláinte

Cúram liachta

D’fhéadfadh sé go mbainfí gnáth-tháille duit ag ionaid phoiblí liachta ag brath ar an gcóireáil a fhaigheann tú agus cá bhfaigheann tú é.

Tá táille laethúil socruithe do chóireáil d’othar cónaitheach agus do chuairteanna ó othar seachtrach araon in ospidéil phoiblí, agus tá sé neamh-inaisíoctha. D’fhéadfadh sé, áfach, go mbeadh tú in ann páirt-aisíoc a éileamh ar chóireáil phríobháideach ó dhochtúir nó ó ospidéal má chuireann tú admháil chuig oifig an KELA (Foras Árachas Sóisialta na Fionlainne) áitiúil. Ní mór duit aisíoc ar chostais liachta a éileamh laistigh de shé mhí ón am a ndearna tú an chéad íocaíocht.

Drugaí ar oideas

Is féidir drugaí ar oideas a fháil ó aon chógaslann. Gearrfar an costas iomlán ort ach d’fhéadfadh sé go mbeifeá in ann aisíoc a éileamh ón oifig KELA áitiúil. Is féidir aisíoc de 42% den chostas os cionn ráta seasta a fháil ar an gcuid is mó de chógais ordaithe.

Airgeadra

Is é an Euro airgeadra na Fionlainne.