Skip to main content

Fianáin

Úsáidimid fianáin ionas go bhfaighidh tú an taithí is fearr ar ár láithreán agus comhlíonaimid ár gceanglais Cosanta Sonraí ag an am céanna. Lean ort gan do chuid socruithe a athrú, agus gheobhaidh tú fianáin, nó athraigh do chuid socruithe fianáin ag aon tráth.

An Ísiltír

Má tá tú ag taisteal chun na hÍsiltíre, gheobhaidh tú leideanna praiticiúla agus eolas áisiúil sa mhír comhairle taistil agus san eolas nuashonraithe.

Stádas Slándála

  • Gnáth-réamhchúraimí
  • Bí an-chúramach
  • Seachain taisteal neamhriachtanach
  • Ná taistil
  • Overview
  • Safety and Security
  • Local Laws and Customs
  • Entry Requirements
  • Embassy Contact

Overview

Comhairle Taistil Ghinearálta atá i bhFeidhm maidir le Covid-19

Chun an nuashonrú is déanaí a fháil léigh an Chomhairle Taistil Ghinearálta maidir le COVID-19 >

Forbhreathnú

Déanaimid ár ndícheall an chomhairle taistil is déanaí a thabhairt duit i nGaeilge, ach mar gheall go bhféadfadh athrú an-tapa teacht ar chúrsaí, go háirithe i gcás géarchéime, ní féidir linn a ghealladh go mbeidh an chomhairle taistil i nGaeilge go hiomlán cothrom le dáta.  Lena chinntiú go bhfaighidh tú an chomhairle is déanaí, go háirithe maidir le stádas slándála, féach an leagan Béarla chomh maith, nó déan teagmháil díreach linn.

Stádas Slándála

Bí an-chúramach

Foláireamh Taistil is Déanaí

Ba cheart do shaoránaigh a bheith cúramach agus iad i mbun cinnteoireachta maidir le taisteal idirnáisiúnta, ag tabhairt a sláinte iomlán, a stádas vacsaíne, agus an riosca a bhaineann le tástáil dheimhneach COVID-19 thar lear san áireamh. Ba cheart d’aon duine atá ag smaoineamh ar thaisteal thar lear a bheith ar an eolas go n-athraíonn na srianta ar gearrfhógra agus go bhféadfadh tír do chinn scríbe srianta eile a chur i bhfeidhm, fiú agus tú i mbun do chuairte ar an tír sin. 

Taisteal chun na hÍsiltíre

Níl srianta COVID-19 ar bith i bhfeidhm maidir le taisteal chun na hÍsiltíre ó Éirinn. Níl aon riachtanas ann teastais vacsaínithe/tástála COVID-19 a thaispeáint.

Má tá tú ag taisteal ó thír taobh amuigh an AE/limistéar Schengen ba cheart duit dul i gcomhairle leis an seicliosta seo roimh thaisteal chun an t-eolas is déanaí a fháil maidir le riachtanais atá i bhfeidhm do thaistealaithe idirnáisiúnta atá ag teacht isteach sa tír.

Taisteal tríd an Ísiltír

Ba cheart dóibh siúd a bhfuil sé i gceist acu taisteal a dhéanamh trí Schiphol ar a mbealach chuig a gceann scríbe deireanach seiceáil anseo chun eolas cuí a fháil. Chun tuilleadh eolais a fháil, téigh i gcomhairle le d’aerlínte. 

Taisteal chuig Arúba

Taisteal chuig Saint Maarten

Taisteal chuig Curaçao

Taisteal chuig na hOileáin Ísiltíreacha Mhuir Chairib

Comhairle Taistil Ghinearálta

Is féidir leat teagmháil a dhéanamh leis na seirbhísí éigeandála san Ísiltír ach scairt a chur ar 112.

 

Safety and Security

Sábháilteacht agus Slándáil

Comhairle phraiticiúil

  • Léigh an treoir taistil Eolas Roimh Thaisteal chun leideanna slándála áisiúla a fháil agus tú ag taisteal thar lear
  • Faigh eolas go háitiúil maidir le ceantair lena mbaineann baol agus ábhair imní slándála
  • Déan réamhchúram ciallmhar maidir le sábháilteacht agus slándáil
  • Bíodh an té le dul i dteagmháil leis i gcás éigeandála ar eolas agat

Sceimhlitheoireacht

Cé go bhfuil an baol ón sceimhlitheoireacht íseal san Ísiltír, mar atá i dtíortha eile na hEorpa, d’fhéadfadh sé tarlú go dtarlódh cás sceimhlitheoireachta idirnáisiúnta san Ísiltír.

Coiriúlacht

Tá an ráta coiriúlachta íseal san Ísiltír. Mar sin féin, ba chóir duit réamhchúram ciallmhar a dhéanamh i gcónaí.

  • Ná bíodh do chárta creidmheasa, do thicéid taistil ná do chuid airgid ar iompar in éineacht agat – fág airgead breise agus nithe luachmhara in áit sábháilte
  • Bíonn ar gach duine os cionn 14 bliain d'aois aitheantas bailí a bheith ar iompar acu, agus bíonn orthu é sin a thaispeáint arna iarraidh ag na póilíní. Tabhair ar aird le do thoil nach nglactar le ceadúnais tiomána mar chéannacht bhailí.
  • Ná bíodh do phas ar iompar agat ach amháin má tá géarghá leis agus fág cóip de do phas (agus de do dhoiciméid taistil agus árachais) le do theaghlach nó le cairde sa bhaile
  • Ná taispeáin méideanna móra airgid go poiblí agus ná bain úsáid as ATManna tar éis thitim na hoíche, go háirithe má bhíonn tú leat féin.  Seiceáil nach bhfuil aon duine do do leanúint tar éis duit do chuid gnó a chur i gcrích
  • Coinnigh súil ghéar ar do chuid stuif agus coinnigh greim air in áiteanna poiblí mar chaiféanna idirlín agus stáisiúin bus nó traenach
  • Seachain sráideanna agus staighrí dorcha nó gan soilse. Socraigh síob a fháil ó/go dtí chomh gar do dhoras d'óstáin/d'árasáin agus is féidir
  • Coinnigh súil amach do pheasghadaithe, go háirithe in Amstardam. Oibríonn peasghadaithe i ngrúpaí agus díríonn siad ar thurasóirí. Go minic, déanfaidh duine acu iarracht d’aird a choinneáil agus téann an duine eile ag tochailt i do chuid pócaí. Bí fíor chúramach i lár Amstardam (go háirithe an Stáisiún Láir), in aerfort Schiphol agus ar na traenacha idir aerfort Schiphol agus Amstardam.

Coiriúlacht a chur in iúl

Má fhulaingíonn tú coir agus tú san Ísiltír, cuir in iúl do na póilíní áitiúla láithreach é. Tá Béarla ar a dtoil ag formhór de phóilíní na hÍsiltíre ("Politie" in Ollainnis). Agus is féidir leat teagmháil a dhéanamh linn ag Ambasáid na hÉireann san Háig má theastaíonn cúnamh uait.

Ag tiomáint

Tá rialacha an bhóthair san Ísiltír cosúil den chuid is mó leo sin atá i bhfeidhm in Éirinn, agus tá na bóithre nua-aimseartha agus coinnithe go maith.

Má tá sé i gceist agat tiomáint, ba chóir duit cloígh leis na nithe seo a leanas:

  • Tabhair leat do cheadúnas tiomána Éireannach iomlán agus bí cinnte go bhfuil árachas iomchuí agus dóthanach agat
  • Tá sé in aghaidh an dlí tiomáint faoi thionchar an óil nó drugaí agus tá baol go gcoinneofaí tú, go gcuirfí fíneáil ort nó go gcuirfí toirmeasc ar thiomáint ort dá mbéarfaí ort
  • Bí ar an eolas faoi dhlíthe tráchta na hÍsiltíre, mar shampla luasteorainneacha. Is ionann na teorainneacha luais ar an mótar bhealach agus 120kph, ach amháin má bhíonn teorainneacha níos ísle le feiceáil in airde. Bíonn na teorainneacha luais sna cathracha go ginearálta ag 50kph.
  • Caith crios sábhála i gcónaí
  • Coinnigh doirse na feithicle faoi ghlas agus ná bíodh málaí le feiceáil, ar fhaitíos go ndéanfaí iarracht iad a ghoid agus tú stoptha ag soilse tráchta

Feithicil a fhruiliú

Má tá feithicil á fruiliú agat, moltar duit gan do phas a thabhairt ar lámh mar shlándáil. Fiú má thugann tú cead do phas a fhótachóipeáil, bíodh sé le feiceáil agat an t-am ar fad.

Seiceáil go bhfuil árachas dóthanach agat agus léigh téarmaí & coinníollacha an chonartha fruilithe feithicle (go háirithe aon tarscaoileadh a mbeadh feidhm leis dá ndéanfaí damáiste don fheithicil).

Rothair agus móipéidí

Bíonn rothair (agus móipéidí) ag taisteal de ghnáth i lánaí ainmnithe (daite de ghnáth le tíleanna dearga), agus bíonn siad in aice an chosáin go minic. Ba chóir duit a bheith ar an eolas go gceadaítear do rothair (agus móipéidí) go minic taisteal i ngach aon treo ar bhóithre aon bhealaigh agus go dtugtar tosaíocht dóibh ag na acomhail mhóra.  Bí cúramach nuair a bhíonn tú ag trasnú an bhóthair agus coinnigh súil amach do gach cineál tráchta – tramanna, rothair, carranna agus móipéidí  - agus, nuair a bhíonn tú ag tiomáint, coinnigh súil amach do rothaithe.  Ba chóir duit a bheith cúramach, go háirithe san Amstardam gan siúl sna lánaí rothair.

Iompar poiblí

Tá an córas iompair phoiblí éifeachtúil agus níl sé ró-dhaor.

 

Local Laws and Customs

Dlíthe agus gnásanna áitiúla

Comhairle phraiticiúil

  • Léigh an chomhairle taistil, cuir tú féin ar an eolas sula dtaistealaíonn tú agus faigh comhairle go háitiúil nuair a bhaineann tú ceann scríbe amach
  • Cuimhnigh go mbaineann na dlíthe áitiúla leatsa, mar chuairteoir, agus nach mór duit cloí leo
  • Bí measúil ar nósanna, ar thraidisiúin agus ar chleachtais áitiúla, mar go mb’fhéidir go bhféachfaí ar an gcaoi a n-iompraíonn tú tú féin mar iompar a bheadh as bealach, naimhdeach nó in aghaidh an dlí

Gabháil

Má ghabhtar tú san Ísiltír, cuirfear do chuid cearta in iúl duit. Ag aon phointe, beidh ar do chumas iarraidh labhairt le hoifigeach consalach ón Ambasáid. Féadfaidh an Ambasáid liosta de dhlíodóirí a labhraíonn Béarla a thabhairt duit, féadfaidh siad a shocrú go gcuirfear do neasghaol ar an eolas faoi do ghabháil agus cuidiú chun tú a choimeád i dteagmháil le cairde agus le do theaghlach. Ach, ní féidir leis an Ambasáid comhairle dlí a thabhairt duit, íoc as dlíodóir nó cur isteach ar na himeachtaí breithiúnacha áitiúla.

Alcól

Is ionann an aois is óige a cheadaítear do dhaoine beoir agus fíon a ól de réir an dlí san Ísiltír agus 16 bliain d’aois.  Is ionann an aois is óige a cheadaítear gach cineál alcóil eile a ól agus 18 bliain d’aois.

Drugaí neamhdhleathacha

Cé go gcreidtear a mhalairt go forleathan, níl drugaí boga dleathach san Ísiltír. Ach i gcleachtas, áfach, glactar leo, ach ní ghlactar leo ach amháin in áitribh ainmnithe agus sin amháin sna cathracha móra.

Ciontaítear daoine as aon substaintí neamhdhleathacha a iompar agus d’fhéadfaí téarma príosúin a ghearradh agus áirítear leis sin drugaí a bheith ar iompar ar an duine nó iad a thabhairt idir thíortha.

Entry Requirements

Tubaistí nádúrtha agus an aeráid

Comhairle phraiticiúil

  • Má tá tú ag taisteal chun na hÍsiltíre, bí cinnte go dtuigeann tú cad atá romhat – ansin pleanáil agus pacáil dá réir
  • Faigh comhairle áitiúil faoin méid a cheart a dhéanamh i gcás eachtra tromchúiseach nó i gcoinníollacha contúirteacha
  • Comhoibrigh le húdaráis áitiúla agus le seirbhísí éigeandála i gcás eachtra tromchúiseach

Comhairle Taistil Te Fuara

Embassy contact

Embassy Contact

In the event of a genuine emergency, you can also contact the Embassy outside of office hours by telephoning +31(0)70.363.0993. You will be asked to leave a message on the answering machine. The answering machine is monitored regularly, and the Duty Officer at the Embassy will contact you as soon as possible. When you leave a message, remember to state your name, the nature of the problem, where you are now, and the details of how the Duty Officer can contact you (e.g. leave your mobile phone number, or the phone number of the hotel/hostel where you are staying). If necessary, contact the police also.

Embassy of Ireland
Scheveningseweg 112
2584 AE The Hague
Netherlands

Tel: +31 70 363 0993
Fax: +31 70 361 7604

Monday to Friday 10:00-12:30 and 14:30-17:00

Contact us