Fianáin

Úsáidimid fianáin ionas go bhfaighidh tú an taithí is fearr ar ár láithreán agus comhlíonaimid ár gceanglais Cosanta Sonraí ag an am céanna. Lean ort gan do chuid socruithe a athrú, agus gheobhaidh tú fianáin, nó athraigh do chuid socruithe fianáin ag aon tráth.

Skip to main content

An tSualainn

Má tá tú ag taisteal chun na Sualainne, gheobhaidh tú leideanna praiticiúla agus eolas áisiúil sa mhír comhairle taistil agus san eolas nuashonraithe.

Níl an leagan Gaeilge ar fáil go fóill, más maith leat an leagan Béarla a léamh féach thíos.

Get travel and medical insurance

Before travelling, the Department strongly recommends that you obtain a European Health Insurance Card (EHIC), available by contacting the Health Service Executive, and that you also obtain comprehensive travel insurance which will cover all overseas medical costs, including medical repatriation/evacuation, repatriation of remains and legal costs. You should check any exclusions and, in particular, that your policy covers you for the activities you want to undertake.

Forléargas

Déanaimid ár ndícheall an chomhairle taistil is déanaí a thabhairt duit i nGaeilge, ach mar gheall go bhféadfadh athrú an-tapa teacht ar chúrsaí, go háirithe i gcás géarchéime, ní féidir linn a ghealladh go mbeidh an chomhairle taistil i nGaeilge go hiomlán cothrom le dáta.  Lena chinntiú go bhfaighidh tú an chomhairle is déanaí, go háirithe maidir le stádas slándála, féach an leagan Béarla chomh maith, nó déan teagmháil díreach linn.

Stádas slándála

Má tá tú ag pleanáil cuairt a thabhairt ar an tSualainn, moltar duit gnáth-réamhchúram a thógáil. 

Cláraigh linn

Má tá sé i gceist agat cuairt a thabhairt ar an tSualainn nó fanacht ann, ba chóir duit do chuid mionsonraí a chlárú linn, ionas go bhféadfaimid tú a aimsiú go tapa sa chás go dtarlódh géarchéim nach raibh súil léi, mar shampla tubaiste nádúrtha, nó eachtra éigeandála i do theaghlach, agus tú thar lear. Ansin, d’fhéadfaimis cabhair a thairiscint duitse nó do do theaghlach más gá.

Comhairle uainne

Moltar duit an méid is féidir a fhoghlaim faoin tSualainn sula dtéann tú ann.

Moltar duit freisin an treoir taistil Eolas Roimh Thaisteal a léamh chun leideanna praiticiúla a fháil ar thaisteal thar lear.

Cárta Árachais Sláinte Eorpach

Moltar duit Cárta Árachais Sláinte Eorpach (EHIC) a fháil sula dtaistealaíonn tú chun na  Sualainne. Tháinig an cárta seo isteach in áit na foirme E111 agus tugann sé teidlíocht duit cóireáil liachta éigeandála a fháil ar na téarmaí céanna le náisiúnaigh de chuid na Sualainne.

Níl an EHIC beartaithe áit an árachais taistil a thógáil agus ní chlúdaíonn sé aisdúichiú liachta, cóireáil liachta leanúnach ná cóireáil nach bhfuil práinneach. Féadfaidh tú iarratas ar EHIC a dhéanamh ar líne ag www.ehic.ie.

Cúnamh Éigeandála

Is minic gur fearr a bhíonn daoine áitiúla in ann cabhrú leat, mar sin labhair le muintir na háite, d’ionadaí tionscnóra turas nó bainistíocht d’óstáin.  

Déan teagmháil leis an Ambasáid

I gcás éigeandála, nó má tá cabhair agus comhairle uait, féadfaidh tú teagmháil a dhéanamh le Ambasáid na hÉireann i Stócólm.

Má ghlaonn tú lasmuigh d’uaireanta oibre, fág teachtaireacht le:

  • D'ainm
  • An cineál faidhbe atá agat
  • An áit a bhfuil tú anois
  • Do chuid mionsonraí teagmhála (uimhir fón póca nó uimhir theileafóin don áit a bhfuil tú ag fanacht ann)

Déanaimid monatóireacht rialta ar na teachtaireachtaí sin agus déanfaidh duine den fhoireann teagmháil leat.

Conas is féidir linn cabhrú leat

Tá go leor taithí againn cabhrú le saoránaigh de chuid na hÉireann a mbíonn fadhbanna acu agus iad thar lear. Foghlaim níos mó faoin gcineál cúnaimh éigeandála is féidir linn a thairiscint duit.

Sábháilteacht agus Slándáil

Comhairle phraiticiúil

  • Léigh an treoir taistil Eolas Roimh Thaisteal chun leideanna slándála áisiúla a fháil agus tú ag taisteal thar lear
  • Faigh eolas go háitiúil maidir le ceantair lena mbaineann baol agus ábhair imní slándála
  • Déan réamhchúram ciallmhar maidir le sábháilteacht agus slándáil
  • Bíodh an té le dul i dteagmháil leis i gcás éigeandála ar eolas agat

Sceimhlitheoireacht

Cé nach bhfuil baol ard ó sceimhlitheoireacht sa tSualainn, tá baol forleathan ann fós ó ionsaithe sceimhlitheoireachta neamh-idirdhealaitheacha, a d’fhéadfadh a bheith dírithe ar thargaidí sibhialta, lena n-áirítear áiteanna ina gcruinníonn eachtrannaigh.

Coiriúlacht

Tá ráta íseal coiriúlachta sa tSualainn ach mar sin féin, ní mór duit réamhchúraimí ciallmhara a dhéanamh.

  • Ná bíodh do chárta creidmheasa, do thicéid taistil ná do chuid airgid ar iompar in éineacht agat – fág airgead breise agus nithe luachmhara in áit sábháilte
  • Ná bíodh do phas ar iompar agat ach amháin má tá géarghá leis agus fág cóip de do phas (agus de do dhoiciméid taistil agus árachais) le do theaghlach nó le cairde sa bhaile
  • Ná taispeáin méideanna móra airgid go poiblí agus ná bain úsáid as ATManna tar éis thitim na hoíche, go háirithe má bhíonn tú leat féin. Seiceáil nach bhfuil aon duine do do leanúint tar éis duit do chuid gnó a chur i gcrích
  • Coinnigh súil ghéar ar do chuid stuif agus coinnigh greim air in áiteanna poiblí mar caiféanna idirlín agus stáisiúin bus nó traenach
  • Seachain sráideanna agus staighrí dorcha nó gan soilse. Socraigh síob a fháil ó/go dtí chomh gar do dhoras d'óstáin/d'árasáin agus is féidir.

Coiriúlacht a chur in iúl

Má fhulaingíonn tú coir agus tú sa tSualainn, cuir in iúl do na póilíní láithreach é. Féadfaidh tú teagmháil a dhéanamh le Ambasáid na hÉireann má tá cabhair uait.

I gcás éigeandála is féidir leat glaoch ar 112 agus labhairt leis na póilíní. Beidh an t-oibritheoir in ann Béarla a labhairt. Nuair nach cás éigeandála atá ann, is féidir leat coir a thuairisciú don stáisiún póilíní is gaire nó glaoch ar 114 14 chun tuairisc póilíní a chomhdú.

Tiomáint

Tá na rialacha bóthair sa tSualainn mórán mar an gcéanna leis na rialacha in Éirinn, agus tá na bóithre nua-aimseartha agus dea-choimeádta. Bí ar an eolas go bhféadfadh an aimsir a bheith guaiseach, go háirithe sa gheimhreadh, nuair ba chóir duit do charr a fheistiú le haghaidh na drochaimsire.

  • Tabhair leat do cheadúnas tiomána Éireannach iomlán agus bí cinnte go bhfuil árachas iomchuí agus dóthanach agat
  • Tá sé in aghaidh an dlí tiomáint faoi thionchar an óil nó drugaí agus tá baol go gcoinneofaí tú, go gcuirfí fíneáil ort nó go gcuirfí toirmeasc ar thiomáint ort dá mbéarfaí ort. D’fhéadfaí téarma príosúnachta ar feadh uasmhéid 24 mí a ghearradh má fhaightear leibhéil alcóil cothrom le nó níos mó ná 0.1 milleagram alcóil in aghaidh an lítir.
  • Bí ar an eolas faoi dhlíthe tráchta na Sualainne, mar shampla luasteorainneachas
  • Tá boinn gheimhridh éigeantach ón 1 Nollaig go dtí 1 Aibreán gach bliain, ach caithfidh tú tiomáint leis na ceannsoilse ar siúl an t-am ar fad i rith na bliana.
  • Caithfidh tiománaithe tús áite a thabhairt do choisithe i gcónaí   
  • Agus tú ag tiomáint sa tSualainn, baineann contúirt bhreise le hainmhithe fiáine mar fianna agus eilceanna a théann amach ar an mbóthar, go háirithe i dtuaisceart na tíre.
  • Caith crios sábhála i gcónaí
  • Coinnigh doirse na feithicle faoi ghlas agus ná bíodh málaí le feiceáil, ar fhaitíos go ndéanfaí iarracht iad a ghoid agus tú stoptha ag soilse tráchta

Feithicil a fhruiliú

Má tá feithicil á fruiliú agat, moltar duit gan do phas a thabhairt ar lámh mar shlándáil. Fiú má thugann tú cead do phas a fhótachóipeáil, bíodh sé le feiceáil agat an t-am ar fad.

Seiceáil go bhfuil árachas dóthanach agat agus léigh téarmaí & coinníollacha an chonartha fruilithe feithicle (go háirithe aon tarscaoileadh a mbeadh feidhm leis dá ndéanfaí damáiste don fheithicil).

Coisithe

Ba chóir duit a bheith ar an eolas go dtiocfaidh trácht ón treo eile ná mar a thagann in Éirinn. Bí an-chúramach san oíche agus tú ag siúl feadh bóithre nach bhfuil cosáin chuí acu agus nuair atá tú ag trasnú an bhóthair, fiú ag áit trasnaithe ainmnithe.

Dlíthe agus gnásanna áitiúla

Comhairle phraiticiúil

  • Léigh an chomhairle taistil, cuir tú féin ar an eolas sula dtaistealaíonn tú agus faigh comhairle go háitiúil nuair a bhaineann tú ceann scríbe amach
  • Cuimhnigh go mbaineann na dlíthe áitiúla leatsa, mar chuairteoir, agus nach mór duit cloí leo
  • Bí measúil ar nósanna, ar thraidisiúin agus ar chleachtais áitiúla, mar go mb’fhéidir go bhféachfaí ar an gcaoi a n-iompraíonn tú tú féin mar iompar a bheadh as bealach, naimhdeach nó in aghaidh an dlí.

Drugaí neamhdhleathacha

Gearrtar pionós géar ar úsáid drugaí neamhdhleathacha (is cuma cén druga é), lena n-áirítear fíneálacha agus téarmaí príosúin fada.

Alcóil

Ní ghlacfaidh údaráis na Sualainne le meisce phoiblí agus tá sé de cheart ag póilíní daoine a mheasann siad a bheith an-ólta a choimeád.

Tubaistí nádúrtha agus an aeráid

Comhairle phraiticiúil

  • Má tá tú ag taisteal chun na Sualainne, bí cinnte go dtuigeann tú cad atá romhat –
    ansin pleanáil agus pacáil dá réir
  • Faigh comhairle áitiúil faoin méid a cheart a dhéanamh i gcás eachtra tromchúiseach nó i gcoinníollacha contúirteacha
  • Comhoibrigh le húdaráis áitiúla agus le seirbhísí éigeandála i gcás eachtra tromchúiseach

Comhairle Taistil Te Fuara

Aimsir an gheimhridh

Bíonn an aimsir thar a bheith fuar sa tSualainn i rith mhíonna an gheimhridh go háirithe i dtuaisceart na tíre. D’fhéadfadh an teocht a bheith an-íseal ar fad, agus má thagann tú ar cuairt i rith an gheimhridh ní mór duit a bheith ullmhaithe don drochaimsir.

D’fhéadfadh an drochaimsir moill a chur ar iompar poiblí i rith an gheimhridh. Bí ag breathnú ar thuar na haimsire áitiúil agus lean comhairle na n-údarás áitiúil.

Eolas Breise

Riachtanais iontrála (víosa/pas)

Ní theastaíonn víosa ó shaoránaigh Éireannacha chun dul isteach sa tSualainn. Féadfaidh tú fanacht ann mar chuairteoir ar feadh tréimhse suas go dtí trí mhí, ach má tá sé beartaithe agat fanacht níos faide, ba chóir duit teagmháil a dhéanamh le oifig an Bhoird Imirce.

Airgead tirim/baincéireacht

Is é Krona na Sualainne airgeadra oifigiúil na Sualainne agus ní an euro. Glactar go forleathan leis na príomhchártaí creidmheasa, ach ní ghlactar le seiceanna.