Fianáin

Úsáidimid fianáin ionas go bhfaighidh tú an taithí is fearr ar ár láithreán agus comhlíonaimid ár gceanglais Cosanta Sonraí ag an am céanna. Lean ort gan do chuid socruithe a athrú, agus gheobhaidh tú fianáin, nó athraigh do chuid socruithe fianáin ag aon tráth.

Skip to main content

Poblacht na Seice

Má tá tú ag taisteal go Poblacht na Seice, gheobhaidh tú leideanna praiticiúla agus eolas áisiúil sa mhír comhairle taistil agus san eolas nuashonraithe.

Níl an leagan Gaeilge ar fáil go fóill, más maith leat an leagan Béarla a léamh féach thíos.

Get travel and medical insurance

Before travelling, the Department strongly recommends that you obtain a European Health Insurance Card (EHIC), available by contacting the Health Service Executive, and that you also obtain comprehensive travel insurance which will cover all overseas medical costs, including medical repatriation/evacuation, repatriation of remains and legal costs. You should check any exclusions and, in particular, that your policy covers you for the activities you want to undertake.

Forléargas

Déanaimid ár ndícheall an chomhairle taistil is déanaí a thabhairt duit i nGaeilge, ach mar gheall go bhféadfadh athrú an-tapa teacht ar chúrsaí, go háirithe i gcás géarchéime, ní féidir linn a ghealladh go mbeidh an chomhairle taistil i nGaeilge go hiomlán cothrom le dáta.  Lena chinntiú go bhfaighidh tú an chomhairle is déanaí, go háirithe maidir le stádas slándála, féach an leagan Béarla chomh maith, nó déan teagmháil díreach linn.

Stádas slándála

Má tá tú ag pleanáil cuairt a thabhairt ar Phoblacht na Seice, moltar duit gnáth-réamhchúram a dhéanamh.

Cláraigh linn

Má tá sé i gceist agat cuairt a thabhairt ar Phoblacht na Seice nó fanacht inti, ba chóir duit do chuid mionsonraí a chlárú linn, ionas go bhféadfaimid tú a aimsiú go tapa sa chás go dtarlódh géarchéim nach raibh súil léi, mar shampla tubaiste nádúrtha, nó eachtra éigeandála i do theaghlach, agus tú thar lear. Ansin, d’fhéadfaimis cabhair a thairiscint duitse nó do do theaghlach más gá.

Comhairle uainne

Moltar duit an méid is féidir a fhoghlaim faoi Phoblacht na Seice sula dtéann tú ann.

Moltar duit freisin an treoir taistil Eolas Roimh Thaisteal a léamh chun leideanna praiticiúla a fháil ar thaisteal thar lear.

Cárta Árachais Sláinte Eorpach

Moltar duit Cárta Árachais Sláinte Eorpach (EHIC) a fháil sula dtaistealaíonn tú go Poblacht na Seice. Tháinig an cárta seo isteach in áit na foirme E111 agus tugann sé teidlíocht duit cóireáil liachta éigeandála a fháil ar na téarmaí céanna le náisiúnaigh de chuid Phoblacht na Seice.

Níl an EHIC beartaithe áit an árachais taistil a thógáil agus ní chlúdaíonn sé aisdúichiú liachta, cóireáil liachta leanúnach ná cóireáil nach bhfuil práinneach. Féadfaidh tú iarratas ar EHIC a dhéanamh ar líne ag www.ehic.ie.

Cúnamh Éigeandála

Is minic gur fearr a bhíonn daoine áitiúla in ann cabhrú leat, mar sin labhair le muintir na háite, d’ionadaí tionscnóra turas nó bainistíocht d’óstáin.  

Má bhíonn cúnamh ag teastáil uait le linn do chuairte, d’fhéadfadh na huimhreacha seo a leanas a bheith úsáideach:

Seirbhísí Éigeandála – 112

Póilíní – 158

Briogáid Dóiteáin – 150

Otharcharr  – 155

Déan teagmháil leis an Ambasáid

I gcás éigeandála, nó má tá cabhair agus comhairle uait, féadfaidh tú teagmháil a dhéanamh le Ambasáid na hÉireann i bPrág.

Má ghlaonn tú lasmuigh d’uaireanta oibre, fág teachtaireacht le:

  • D'ainm
  • An cineál faidhbe atá agat
  • An áit a bhfuil tú anois
  • Do chuid mionsonraí teagmhála (uimhir fón póca nó uimhir theileafóin don áit a bhfuil tú ag fanacht ann)

Déanaimid monatóireacht rialta ar na teachtaireachtaí sin agus déanfaidh duine den fhoireann teagmháil leat.

Conas is féidir linn cabhrú leat

Tá go leor taithí againn cabhrú le saoránaigh de chuid na hÉireann a mbíonn fadhbanna acu agus iad thar lear. Foghlaim níos mó faoin gcineál cúnaimh éigeandála is féidir linn a thairiscint duit.

 

Sábháilteacht agus Slándáil

Comhairle phraiticiúil

  • Léigh an treoir taistil Eolas Roimh Thaisteal chun leideanna slándála áisiúla a fháil maidir le taisteal thar lear
  • Faigh eolas go háitiúil maidir le ceantair lena mbaineann baol agus ábhair imní slándála
  • Déan réamhchúram ciallmhar maidir le sábháilteacht agus slándáil
  • Bíodh an té le dul i dteagmháil leis i gcás éigeandála ar eolas agat

Sceimhlitheoireacht

Cé nach bhfuil baol ard ó sceimhlitheoireacht i bPoblacht na Seice, tá baol forleathan ann fós ó ionsaithe sceimhlitheoireachta neamh-idirdhealaitheacha, a d’fhéadfadh a bheith dírithe ar thargaidí sibhialta, lena n-áirítear áiteanna ina gcruinníonn turasóirí agus easaoránaigh.

Coiriúlacht

Tá rátaí réasúnta íseal coiriúlachta i bPoblacht na Seice ach mar sin féin, ní mór duit réamhchúraimí ciallmhara a dhéanamh: 

  • Ná bíodh do chárta creidmheasa, do thicéid taistil ná do chuid airgid ar iompar in éineacht agat – fág airgead breise agus nithe luachmhara in áit shábháilte.
  • Ná taispeáin méideanna móra airgid go poiblí agus ná bain úsáid as ATManna tar éis thitim na hoíche, go háirithe má bhíonn tú leat féin. Seiceáil nach bhfuil aon duine do do leanúint tar éis duit do chuid gnó a chur i gcrích.
  • Seachain sráideanna agus staighrí dorcha nó gan soilse. Socraigh síob a fháil ó/go dtí chomh gar do dhoras d'óstáin/d'árasáin agus is féidir.
  • Coinnigh súil ghéar ar do chuid stuif agus coinnigh greim air in áiteanna poiblí mar caiféanna idirlín agus stáisiúin bus nó traenach.

Mionghadaíocht

Tá fadhb le mionghadaíocht agus peasghadaíocht, go háirithe i bPrág. Tá sé tábhachtach a bheith airdeallach in áiteanna is díol spéise do thurasóirí, in aerfoirt, i stáisiúin iarnróid, agus ar iompar phoiblí, go háirithe na bealaí sin go dtí agus ó Chaisleán Phrág agus áiteanna turasóireachta móra eile.

Coinnigh súil ar do nithe pearsanta i mbialanna, i dtithe tábhairne agus i gclubanna oíche agus moltar duit seomra cótaí a úsáid má tá ceann ar fáil. Tuairiscíodh gur goideadh nithe ó sheomraí óstáin agus ó thaisceadáin  i seomraí óstáin.

Bí ag faire amach do chamscéimeanna ina ligeann peasghadaithe orthu féin gur striapacha iad.

Nótaí bainc góchumtha

Níl sé de cheart ag na póilíní i bPoblacht na Seice d’airgead nó barántúlacht an airgid sin a sheiceáil. Má thagann duine chugat ag maíomh gur póilín atá ann, diúltaigh d’airgead a thaispeáin dó/di agus abair leo go rachaidh tú leo chuig an stáisiún póilíní is gaire nó glaoigh ar 158 nó 112 chun a gcéannacht a sheiceáil.  

Biotáillí camhraithe

Ó Mheán Fómhair 2012, thuairisc údaráis Phoblacht na Seice roinnt básanna agus roinnt cásanna inar cuireadh daoine san ospidéal a d’eascair nuair a óladh biotáille camhraithe a ceannaíodh i bPoblacht na Seice.

Cé go bhfuil toirmisc an rialtais ar dhíol biotáillí le 20% nó níos mó alcóil curtha ar ceal, ba chóir duit a bheith an-chúramach agus tú ag ól nó ag ceannach biotáillí i bPoblacht na Seice toisc gur tuairiscíodh nimhiú meatánóil le déanaí.

Molaimid gan alcóil a cheannach ach amháin ó dhíoltóirí dlisteanacha agus cinntigh nach bhfuil an séala thart ar an gcaipín nó an corc briste.

Sábháilteacht phearsanta

Ná fág deoch ná bia gan duine ina mbun agus ná glac le deochanna ó strainséirí.

Coiriúlacht a chur in iúl

Má fhulaingíonn tú coir agus tú i bPoblacht na Seice, cuir in iúl do na póilíní áitiúla láithreach agus go pearsanta é, faigh tuairisc póilíní (‘policejni zprava’) agus uimhir choiriúlachta na tuairisce póilíní.

Tá dhá stáisiún póilíní le hoifigigh a labhraíonn Béarla:

Vlašská 3

Prague 1

Malá Strana (an-ghar d’Ambasáid na hÉireann)

Fón 24 uair an chloig: +420 974 851 730

Můstek

Jungmannovo náměstí 9

Prague 1 (díreach in aice le Cearnóg Wenceslas)

Fón 24 uair an chloig: +420 974 851 750

Féadfaidh tú tuairisc ó na póilíní agus uimhir choiriúlachta na tuairisce a fháil nuair a fhilleann tú ar Éirinn trí litir, ar féidir a scríobh i mBéarla, a dhéanann cur síos ar an méid a tharla, a sheoladh chuig an seoladh seo a leanas:

Policejni prezidium – podatelna

Strojnicka 27

170 89

Praha 7

Poblacht na Seice

Tiomáint

Má tá sé i gceist agat a bheith ag tiomáint i bPoblacht na Seice, ba chóir duit a bheith an-chúramach. Tá líon na dtimpistí bóthair agus na mbásanna  réasúnta íseal i gcomparáid le stáit AE eile.  
Más mian leat a bheith ag tiomáint:

  • Tabhair leat do cheadúnas idirnáisiúnta agus bí cinnte go bhfuil árachas iomchuí agus dóthanach agat
  • Tá sé in aghaidh an dlí tiomáint faoi thionchar an óil nó drugaí agus tá baol go gcoinneofaí tú, go gcuirfí fíneáil ort nó go gcuirfí toirmeasc ar thiomáint ort dá mbéarfaí ort
  • Bí ar an eolas faoi dhlíthe tráchta Phoblacht na Seice, mar shampla luasteorainneachas  
  • Caith crios sábhála i gcónaí
  • Coinnigh doirse na feithicle faoi ghlas agus ná bíodh málaí le feiceáil, ar fhaitíos go ndéanfaí iarracht iad a ghoid agus tú stoptha ag soilse tráchta
  • Ní mór go mbeadh ‘vignette’ (dalnicni znamka) bailí ar taispeáint ar d’fheithicil má theastaíonn uait taisteal ar mhótarbhealaí Phoblacht na Seice. Is féidir iad a cheannach i stáisiúin bhreosla ar chostas CZK 1,500 ar feadh 12 mí, CZK 440 ar feadh mí amháin nó CZK 310 ar feadh 10 lá
  • Coinnigh cothrom le dáta trí dul i gcomhairle leis an líne chabhrach gluaisteánaíochta áitiúil, atá ar fáil i Seicis agus i mBéarla ag 1230 nó  +420 1230

Feithicil a fhruiliú

Má tá feithicil á fruiliú agat, moltar duit gan do phas a thabhairt ar lámh mar shlándáil. Fiú má thugann tú cead do phas a fhótachóipeáil, bíodh sé le feiceáil agat an t-am ar fad.

Seiceáil go bhfuil árachas dóthanach agat agus léigh téarmaí & coinníollacha an chonartha fruilithe feithicle (go háirithe aon tarscaoileadh a mbeadh feidhm leis dá ndéanfaí damáiste don fheithicil).

Coisithe

Bíonn ceart slí ag tramanna i gcónaí fiú ag trasrianta coisithe. Tarlaíonn roinnt timpistí a bhaineann le tramanna gach bliain agus tá sé tábhachtach a bheith an-chúramach má tá tú in gar do thramrianta.

Bí cinnte go mbreathnóidh tú sa dá threo, go háirithe ag trasrianta coisithe agus smaoinigh nach féidir le tramanna stopadh go tapa, agus ní féidir leo tú a sheachaint má tá tú ar an raon.

Gearrann póilíní Phoblacht na Seice fíneáil ar dhaoine a dhéanann iarracht bóthar nó tramrianta a thrasnú laistigh de 50 méadar de thrasrian coisithe. Gearrtar fíneáil chomh maith orthu siúd a thrasnaíonn ag trasrian coisithe nuair nach mbíonn an solas trasnaithe coisithe glas soilsithe.

Ba chóir a bheith an-chúramach ag trasrianta coisithe toisc nach stopann tiománaithe Phoblacht na Seice i gcónaí cé go bhfuil oibleagáid orthu sin a dhéanamh de réir dlí.

Iompar poiblí

Caithfear ticéid a cheannach sula dtéann tú ag taisteal agus caithfear iad a bhailíochtú ag tú do thuras ag na meaisíní buí, atá suite ag barr na staighrí creasa/staighrí sna stáisiúin metro nó ar na tramanna agus na busanna.

Gearrtar fíneálacha ar an láthair as mainneachtain ticéad bailí a sholáthar. Murar féidir leat an fíneáil a íoc, cuirfidh cigire ticéad glaoch ar na póilíní agus d’fhéadfaí tú a ghabháil.

Tacsaithe

Ar chúiseanna sábháilteachta agus eacnamaíocha, moltar duit cuideachtaí tacsaí móra a úsáid, ar nós AAA (Teil: 14014 or 222 333 222)

Profitaxi (Teil: 14015)  
Bíonn  na cuideachtaí sin in ann cineál, uimhir agus dath an ghluaisteáin a bhaileoidh tú a chur in iúl duit roimh ré. Bí san airdeall ar oibreoirí beaga nó neamhspleácha mar is minic go mbaineann siad praghas ró-ard amach ar eachtrannaigh.

Dlíthe agus gnásanna áitiúla

Comhairle phraiticiúil

  • Léigh an chomhairle taistil, cuir tú féin ar an eolas sula dtaistealaíonn tú agus faigh comhairle go háitiúil nuair a bhaineann tú ceann scríbe amach
  • Cuimhnigh go mbaineann na dlíthe áitiúla leatsa, mar chuairteoir, agus nach mór duit cloí leo
  • Bí measúil ar nósanna, ar thraidisiúin agus ar chleachtais áitiúla, mar go mb’fhéidir go bhféachfaí ar an gcaoi a n-iompraíonn tú tú féin mar iompar a bheadh as bealach, naimhdeach nó in aghaidh an dlí.

Drugaí neamhdhleathacha

Gearrtar pionós géar ar úsáid drugaí neamhdhleathacha (is cuma cén druga é), lena n-áirítear fíneálacha agus téarmaí príosúin fada. 

Céannacht

Ceanglaítear le dlí ar chuairteoirí agus ar náisiúnaigh Phoblacht na Seice cruthúnas céannachta a bheith ar iompar acu go poiblí i gcónaí. I gcás ina mainneoidh duine amhlaidh a dhéanamh d’fhéadfaí fíneáil a ghearradh orthu nó iad a thabhairt chuig an stáisiún póilíní is gaire lena n-aitheantas a fhíorú.

Tá oibleagáid ar thurasóirí a bpasanna a bheith ar iompar acu i gcónaí chun críocha céannachta. Ní leor ceadúnas tiomána agus ní leor fótachóip den phas ach an oiread. Bheadh sé inmhianaithe cóipeanna de do phas a sheoladh chugat féin roimh imeacht nó roinnt cóipeanna de a thabhairt leat.

Tubaistí nádúrtha agus an aeráid

Comhairle phraiticiúil

  • Má tá tú ag taisteal go Poblacht na Seice, bí cinnte go dtuigeann tú cad atá romhat – ansin pleanáil agus pacáil dá réir
  • Faigh comhairle áitiúil faoin méid a cheart a dhéanamh i gcás eachtra tromchúiseach nó i gcoinníollacha contúirteacha
  • Comhoibrigh le húdaráis áitiúla agus le seirbhísí éigeandála i gcás eachtra tromchúiseach

Comhairle Taistil Te Fuara

Aeráid

Tá Poblacht na Seice suite i gcrios aeráide measartha, ina mbíonn ceithre shéasúr atá éagsúil óna chéile. Bíonn an geimhreadh an-fhada agus fuar agus is ionann an meán teocht laethúil in Eanáir (an mhí is fuaire de mhíonna an gheimhridh) agus thart ar -2°C. Bíonn Poblacht na Seice ullmhaithe go maith de ghnáth le haghaidh fíor-dhrochaimsir sa gheimhreadh.

Sa samhradh, is ionann an meán teocht de ghnáth agus 20°C ach d’fhéadfadh sé ardú go dtí 40°C uaireanta, ach ní go minic. 

Tuilte

Tarlaíonn tuilte séasúracha ó am go chéile, go háirithe san earrach, i limistéir atá tugtha do thuilte i bPoblacht na Seice. Is féidir leat teacht ar eolas cothrom le dáta maidir le rabhaidh tuilte ar láithreán gréasáin Aireacht Talmhaíochta na Seice.

Eolas Breise

Riachtanais iontrála (víosa/pas)

Mura bhfuil tú cinnte faoi riachtanais iontrála Phoblacht na Seice, lena n-áirítear eolas faoi víosaí agus eolas inimirce eile, cuir ceist ar do ghníomhaire taistil nó déan teagmháil leis an Ambasáid nó Consalacht de chuid Phoblacht na Seice is gaire duit.

Féadfaidh tú seiceáil leo freisin cén tréimhse bailíochta nach mór a bheith ag do phas.

Sláinte

Seiceáil le do dhochtúir i bhfad roimh thaisteal má tá aon vacsaíniú ag teastáil le dul go Poblacht na Seice.

Dochtúirí a labhraíonn Béarla

Is féidir dochtúirí a labhraíonn Béarla a aimsiú ag:

Policlinic Národní 9 - Dr Šašek or Dr Beneš

Prague 1 (Teil: 222 075 120, 222 075 119)

ag Ospidéal Motol áit a bhfuil Rannóg d’Eachtrannaigh (Teil: 224 433 681 nó lasc-chlár 224 431 111)

Malartú airgeadra

Ná malartaigh airgead le díoltóirí ar an tsráid mar is airgead góchumtha a bhíonn acu go minic. Is féidir airgead a aistarraingt ó ATManna nó a mhalartú i mbanc nó in oifig malartú airgeadra.

Nuair a bhaintear úsáid as oifig malartaithe airgeadra, ní mór an ráta atá á thairg a sheiceáil agus an méid a bheidh le fáil ar an airgead a chomhaontú sula ndéantar an malartú féin.  Mura bhfuil tú sásta leis an tseirbhís nó leis an ráta arna thabhairt ag oifig malartú ar leith, féadfaidh tú tuairisc ghearáin (prótacal reklamacni) a chomhdú leis na póilíní áitiúla.