Fianáin

Úsáidimid fianáin ionas go bhfaighidh tú an taithí is fearr ar ár láithreán agus comhlíonaimid ár gceanglais Cosanta Sonraí ag an am céanna. Lean ort gan do chuid socruithe a athrú, agus gheobhaidh tú fianáin, nó athraigh do chuid socruithe fianáin ag aon tráth.

Díbirt

Gach uile bhliain, cuidíonn an Roinn Gnóthaí Eachtracha agus Trádála le go leor saoránach Éireannach a díbríodh as an tír ina bhfuil cónaí orthu. D'fhéadfadh sé sin a bheith mar gheall ar bhaint a bheith acu le gníomhaíocht choiriúil, deireadh téarma príosúnachta, víosa a bheith imithe in éag, nó gníomhartha eile a chuireann faoi deara go gcailltear an ceart atá acu faoin dlí chun fanacht sa tír. 

Tairgimid comhairle agus cúnamh praiticiúil duit gan aon bhreithiúnas a thabhairt ort, agus déanaimid iarracht an t-ualach maorlathach a laghdú don duine atá i gceist agus dá theaghlach nó a teaghlach. Ní dhéanaimid uiríll thar ceann an duine go gcuirfí ordú díbeartha ar neamhní, agus ba chóir duit a bheith ar an eolas gurb iondúil gur cinntí críochnaitheacha iad cinntí na n-údarás inimirce.

An méid is féidir linn a dhéanamh

  • Is féidir linn cabhrú leat eolas a fháil faoi shocruithe coinneála nó díbeartha.
  • Is féidir linn eolas teagmhála a chur ar fáil duit faoi dhlíodóirí áitiúla a labhraíonn Béarla.
  • Is féidir linn eolas a thabhairt do theaghlaigh faoi shocruithe díbeartha, socruithe príosúin agus socruithe dlí sa tír ina bhfuil duine muinteartha leo faoi choinneáil.
  • Is féidir linn cabhrú leat a bheith i dteagmháil le do chairde agus do theaghlach agus socrú a dhéanamh go n-aistreofar airgead go sábháilte uathu.
  • Is féidir linn a chinntiú nach ndéanfar leithcheal ort de bharr gur saoránach coigríche thú.

An méid nach féidir linn a dhéanamh

  • Ní féidir linn idirghabháil a dhéanamh leis na húdaráis áitiúla chun iarracht a dhéanamh an cinneadh a athrú
  • Ní féidir linn íoc as cosaint dlí ná comhairle dlí a chur ar fáil