Fianáin

Úsáidimid fianáin ionas go bhfaighidh tú an taithí is fearr ar ár láithreán agus comhlíonaimid ár gceanglais Cosanta Sonraí ag an am céanna. Lean ort gan do chuid socruithe a athrú, agus gheobhaidh tú fianáin, nó athraigh do chuid socruithe fianáin ag aon tráth.

Skip to main content

Má bhuailtear tinn thú thar lear nó má bhaintear gortú duit

Má bhuailtear tinn thú nó más gá cóir ospidéil a chur ort agus tú thar lear, is féidir leat teagmháil a dhéanamh leis an Ambasáid nó an leis an gConsalacht Éireannach is gaire duit. Is féidir linne cabhrú leat déileáil le cúrsaí.

An méid is féidir linn a dhéanamh

  • Is féidir linn dul i dteagmháil le do theaghlach, le cairde leat nó le do theagmhálaí éigeandála ainmnithe in Éirinn.
  • Is féidir linn cabhrú leat dochtúirí, saoráidí leighis agus cuideachtaí aerárthaigh othar a bhfuil Béarla acu a aimsiú sa cheantar, mar aon le haistritheoirí agus ateangairí Béarla.
  • Is féidir linn cumarsáid a dhéanamh le pearsanra liachta nó le húdaráis ospidéil. Ní chuirimid ateangaireacht leighis ná aistriúcháin leighis ar fáil, áfach.
  • Is féidir linn airgead a aistriú chugat ó dhaoine muinteartha nó cairde leat sa bhaile, más gá.

An méid nach féidir linn a dhéanamh

  • Ní féidir linn do chuid bhillí ospidéal ná costais leighis eile a íoc.
  • Ní féidir linn comhairle a chur ort faoi na roghanna leighis ba chóir duit a dhéanamh.

Árachas taistil

Ach árachas cuimsitheach taistil agus leighis a cheannach, d'fhéadfaí a lán airgid a spáráil ortsa agus ar do theaghlach más rud é go mbeidh rud éigin cearr. Cinnteoidh sé freisin go gcuirfear ort an chóir leighis atá de dhíth ort. D'fhéadfadh ospidéal na mílte euro a ghearradh ort, agus d'fhéadfadh na mílte euro eile a bheith i gceist le haslonnú go hÉirinn chun cóir leighis a chur ort.

Ní mar an gcéanna na polasaithe go léir, agus d'fhéadfadh cúis a bheith le praghas íseal a bheith ar an gceann is saoire. Déan cinnte go gclúdaíonn do pholasaí na gníomhaíochtaí go léir atá beartaithe agat a dhéanamh ar do thuras. Molann Insurance Ireland duit polasaí a cheannach faoina bhfuil clúdach leighis agat ar fiú ar a laghad €1 mhilliún é.

An Cárta Eorpach um Árachas Sláinte (EHIC)

Toisc go bhfuil cónaí ort in Éirinn, tá tú i dteideal cúram sláinte a fháil tríd an gcóras poiblí i dtíortha san Aontas Eorpach (AE), sa Limistéar Eorpach Eacnamaíoch (LEE) nó san Eilvéis má thagann tinneas ort nó má bhaintear gortú duit agus tú ar chuairt shealadach ar cheann de na tíortha sin. Tá do chárta bailí ar feadh cúig bliana, mar sin seiceáil go bhfuil sé fós bailí, agus cuimhnigh nach mór cárta a bheith ag gach duine i do ghrúpa. Ní chlúdaíonn an EHIC costais aisdúichithe (duine a thabhairt abhaile) agus ní thógann sé áit an pholasaí árachais taistil.

Is féidir leat iarratas a dhéanamh ar an EHIC agus tuilleadh eolais a léamh anseo.