Fianáin

Úsáidimid fianáin ionas go bhfaighidh tú an taithí is fearr ar ár láithreán agus comhlíonaimid ár gceanglais Cosanta Sonraí ag an am céanna. Lean ort gan do chuid socruithe a athrú, agus gheobhaidh tú fianáin, nó athraigh do chuid socruithe fianáin ag aon tráth.

Skip to main content

An Fhrainc

Má tá tú ag taisteal chun na Fraince, gheobhaidh tú leideanna praiticiúla agus eolas áisiúil sa mhír comhairle taistil agus san eolas nuashonraithe. 

Níl an leagan Gaeilge ar fáil go fóill, más maith leat an leagan Béarla a léamh féach thíos.

Get travel and medical insurance

Before travelling, the Department strongly recommends that you obtain a European Health Insurance Card (EHIC), available by contacting the Health Service Executive, and that you also obtain comprehensive travel insurance which will cover all overseas medical costs, including medical repatriation/evacuation, repatriation of remains and legal costs. You should check any exclusions and, in particular, that your policy covers you for the activities you want to undertake.

Forléargas

Déanaimid ár ndícheall an chomhairle taistil is déanaí a thabhairt duit i nGaeilge, ach mar gheall go bhféadfadh athrú an-tapa teacht ar chúrsaí, go háirithe i gcás géarchéime, ní féidir linn a ghealladh go mbeidh an chomhairle taistil i nGaeilge go hiomlán cothrom le dáta.  Lena chinntiú go bhfaighidh tú an chomhairle is déanaí, go háirithe maidir le stádas slándála, féach an leagan Béarla chomh maith, nó déan teagmháil díreach linn.

Stádas slándála

Má tá tú ag pleanáil cuairt a thabhairt ar an Fhrainc, moltar duit réamhchúram a dhéanamh.

Cláraigh linn

Má tá sé i gceist agat cuairt a thabhairt ar an Fhrainc nó fanacht ann, ba chóir duit do chuid mionsonraí a chlárú linn, ionas go bhféadfaimid tú a aimsiú go tapa sa chás go dtarlódh géarchéim nach raibh súil léi, mar shampla tubaiste nádúrtha, nó eachtra éigeandála i do theaghlach, agus tú thar lear. Ansin, d’fhéadfaimis cabhair a thairiscint duitse nó do do theaghlach más gá.

Comhairle Uainne

Moltar duit an méid is féidir a fhoghlaim faoin Fhrainc sula dtéann tú ann.

Moltar duit freisin an treoir taistil Eolas Roimh Thaisteal a léamh chun leideanna praiticiúla a fháil ar thaisteal thar lear.

Cárta Árachais Sláinte Eorpach

Moltar duit Cárta Árachais Sláinte Eorpach (EHIC) a fháil sula dtaistealaíonn tú chun na Fraince. Tháinig an cárta seo isteach in áit na foirme E111 agus tugann sé teidlíocht duit cóireáil liachta éigeandála a fháil ar na téarmaí céanna le náisiúnaigh de chuid na Fraince.

Níl an EHIC beartaithe áit an árachais taistil a thógáil agus ní chlúdaíonn sé aisdúichiú liachta, cóireáil liachta leanúnach ná cóireáil nach bhfuil práinneach. Dá bhrí sin moltar duit árachas príobháideach cuimsitheach liachta a fháil ar aon nós roimh thaisteal mar gur cóireáil éigeandála in ospidéil phríobháideacha amháin a chlúdaíonn an EHIC. Féadfaidh tú iarratas ar EHIC a dhéanamh ar líne ag www.ehic.ie.

Cúnamh Éigeandála

Is minic gur fearr a bhíonn daoine áitiúla in ann cabhrú leat, mar sin labhair le muintir na háite, d’ionadaí tionscnóra turas nó bainistíocht d’óstáin. 

Déan teagmháil leis an Ambasáid

I gcás éigeandála, nó má tá cabhair agus comhairle uait, féadfaidh tú teagmháil a dhéanamh le Ambasáid na hÉireann i bPáras.

Má ghlaonn tú lasmuigh d’uaireanta oibre, fág teachtaireacht le:

  • D'ainm
  • An cineál faidhbe atá agat
  • An áit a bhfuil tú anois
  • Do chuid mionsonraí teagmhála (uimhir fón póca nó uimhir theileafóin don áit a bhfuil tú ag fanacht ann)

Déanaimid monatóireacht rialta ar na teachtaireachtaí sin agus déanfaidh duine den fhoireann teagmháil leat.

Conas is féidir linn cabhrú leat

Tá go leor taithí againn cabhrú le saoránaigh de chuid na hÉireann a mbíonn fadhbanna acu agus iad thar lear. Foghlaim níos mó faoin gcineál cúnaimh éigeandála is féidir linn a thairiscint duit.

 

Sábháilteacht agus Slándáil

Comhairle phraiticiúil

  • Léigh an treoir taistil Eolas Roimh Thaisteal chun leideanna slándála áisiúla a fháil maidir le taisteal thar lear
  • Faigh eolas go háitiúil maidir le ceantair lena mbaineann baol agus ábhair imní slándála
  • Déan réamhchúram ciallmhar maidir le sábháilteacht agus slándáil
  • Bíodh an té le dul i dteagmháil leis i gcás éigeandála ar eolas agat

Corraíl shóisialta

Tá staid pholaitiúil na Fraince réasúnta seasmhach ach tarlaíonn corraíl shóisialta ó am go chéile. Tarlaíonn achrann idir léirsitheoirí agus na póilíní círéibe go minic de bharr stailceanna, máirseálacha agus léirsithe agus mar sin moltar duit áiteanna a bhfuil léirsithe ollmhóra ag tarlú iontu a sheachaint.

Coinnigh tú féin ar an eolas i gcónaí faoina bhfuil ag tarlú thart ort trí mhonatóireacht a dhéanamh ar na meáin áitiúla agus trí fanacht i dteagmháil le bainistíocht d’óstáin nó do thionscnóir turas.

Sceimhlitheoireacht

Ón mbliain 2005, tá leibhéal foláirimh sceimhlitheoireachta na Fraince coinnithe ag ‘dearg’, an dara háit is airde ar scála ar a bhfuil ceithre leibhéal. Tá baol forleathan ann fós ó ionsaithe sceimhlitheoireachta neamh-idirdhealaitheacha, a d’fhéadfadh a bheith dírithe ar thargaidí sibhialta, lena n-áirítear áiteanna ina gcruinníonn turasóirí agus easaoránaigh. 

Mar chuid de chlár slándála Vigipirate an Rialtais, tá póilíní agus saighdiúirí airm le feiceáil go láidir i gcathracha agus gar de na príomháiteanna a mheallann turasóirí. Tá cláir scagtha slándála in áit in go leor de na músaeim, dánlanna agus áiteanna eile ina dtéann turasóirí agus d’fhéadfadh sé go n-iarrfaí ort do mhálaí a thabhairt ar lámh chun cigireacht a dhéanamh orthu sula scaoiltear isteach tú.

Má bhíonn tú ag taisteal ar an traein, bí cinnte go bhfuil d’ainm agus do sheoladh marcáilte go soiléir ar do mhálaí taistil agus níor cheart iad a fhágáil gan duine ina mbun. Tá go leor oifigí bagáiste in stáisiúin traenach dúnta mar gheall ar chúinsí slándála agus mar sin ba chóir duit a n-infhaighteacht a dheimhniú roimh ré nó socruithe eile a dhéanamh.

Coiriúlacht

Tá ráta coiriúlachta sách íseal sa Fhrainc ach ba chóir duit réamhchúram ciallmhar a dhéanamh mar sin féin: 

  • Ná bíodh do chárta creidmheasa, do thicéid taistil ná do chuid airgid ar iompar in éineacht agat – fág airgead breise agus nithe luachmhara in áit sábháilte
  • Ná bíodh do phas ar iompar agat ach amháin má tá géarghá leis agus fág cóip de do phas (agus de do dhoiciméid taistil agus árachais) le do theaghlach nó le cairde sa bhaile.
  • Ná taispeáin méideanna móra airgid go poiblí agus ná bain úsáid as ATManna tar éis thitim na hoíche, go háirithe má bhíonn tú leat féin. Seiceáil nach bhfuil aon duine do do leanúint tar éis duit do chuid gnó a chur i gcrích.
  • Seachain sráideanna agus staighrí dorcha nó gan soilse. Socraigh síob a fháil ó/go dtí chomh gar do dhoras d'óstáin/d'árasáin agus is féidir.
  • Coinnigh súil ghéar ar do chuid stuif agus coinnigh greim air in áiteanna poiblí mar caiféanna idirlín agus stáisiúin bus nó traenach.

Mionghadaíocht

Tá baol ó mhionghadaíocht, ar nós goid vallaití/málaí láimhe agus peasghadaíocht, go háirithe in áiteanna ina gcruinníonn turasóirí agus ar na córais iompair mórthimpeall Phárais (Métro, traein RER, go háirithe líne B a théann chuig/ó na haerfoirt).

Díríonn gadaithe ar roinnt traenacha a théann idir chathracha i rith na hoíche. Má bhíonn tú ar an metro nó ar an traein, coinnigh súil ghéar ar do chuid stuif nuair a bhíonn na doirse ag dúnadh, mar d’fhéadfadh gadaithe ar an ardán a bheadh ag faire a seans na málaí a sciobadh ó phaisinéirí agus doirse na traenach ar tí dúnadh. 

Goid as feithiclí 

Tá goid as feithiclí coitianta, go háirithe i ndeisceart na Fraince agus mar sin coinnigh doirse d’fheithicil faoi ghlas, fág na fuinneoga dúnta agus earraí luachmhara amach as amharc agus tú ag tiomáint agus nuair a bhíonn d’fheithicil páirceáilte. I roinnt áiteanna turasóireachta ar fud chósta an deiscirt, tá sé coitianta an seilf beartáin a bhaint as d’fheithicil ionas go bhfeicfidh aon duine a bheadh ag cuimhniú gadaíocht a dhéanamh nach bhfuil aon ní gur fiú a ghoid sa bhúit.  

Díríonn gadaithe freisin ar thithe soghluaiste agus ar veaineanna campála, mar sin ba chóir duit na céimeanna cuí, ar nós aláram nó bosca taisce sábháilteachta a fheistiú ann chun do chuid stuif a chosaint.

Coiriúlacht a chur in iúl

Má fhulaingíonn tú coir agus tú sa Fhrainc, cuir in iúl don stáisiún áitiúil póilíní ‘commissariat’ nó don gendarmerie láithreach é. Agus féadfaidh tú teagmháil a dhéanamh linn ag Ambasáid na hÉireann i bPáras má tá cabhair uait.

Tacsaithe

Níor chóir duit ach tacsaithe atá ceadúnaithe agus marcáilte i gceart a úsáid. Bí airdeallach faoi dhaoine a bhíonn ag maíomh gur tiománaithe tacsaí iad agus a bhíonn ag stocaireacht ar ghnó go minic ag na háiteanna a dtagann paisinéirí isteach in aerfoirt, staisiúin traenach nó ag stáisiúin mhóra busanna – níl cead ag tiománaithe cláraithe tascsaí gnó a iarraidh ar an tslí sin. 

Is minic nach dtugann tiománaithe tacsaí gan cheadúnas aird ar rialacha faoi tháillí agus, níos tábhachtaí ná sin, ní bheidh siad goite faoi scrúdaithe póilíní agus slándála atá éigeantach do thiománaithe tacsaí atá cláraithe. Tharla roinnt cásanna le gairid ina ndearna tiománaithe tacsaí gan cheadúnas ionsaithe ar thurasóirí eachtrannacha, mar sin,  má tá aon amhras ort, ná húsáid an tseirbhís.

Bíonn comhartha bán marcáilte ar dhíon na dtacsaithe ceadúnaithe agus bíonn cárta aitheantais gairmiúil an tiománaí le feiceáil ar thaobh na láimhe clé den ghaothscáth. Beidh méadar le feiceáil i lár na deaise agus beidh greamán sa chúlfhuinneog ar chlé ag tabhairt léargais ar na príomhrialacha a rialaíonn tacsaithe agus táillí.

Tiomáint

Má tá sé i gceist agat a bheith ag tiomáint sa Fhrainc, cuimhnigh go mbíonn an trácht ag taisteal ar thaobh na láimhe deise. Mura bhfuil cleachtadh agat tiomáint ar thaobh na láimhe deise, bí thar a bheith cúramach, go háirithe ag acomhail, áit a bhfuil tosaíocht ag trácht ag teacht ó thaobh na láimhe deise. 

Más mian leat a bheith ag tiomáint:

  • Tabhair leat do cheadúnas idirnáisiúnta tiomána agus bí cinnte go bhfuil árachas iomchuí agus dóthanach agat. Caithfidh tú a bheith 18 bliain ar a laghad le bheith ag tiomáint sa Fhrainc agus níl ceadúnais foghlaimeora bailí
  • Tá sé in aghaidh an dlí tiomáint faoi thionchar an óil nó drugaí agus tá baol go gcoinneofaí tú, go gcuirfí fíneáil ort nó go gcuirfí toirmeasc ar thiomáint ort dá mbéarfaí ort
  • Bí ar an eolas faoi dhlíthe tráchta na Fraince, mar shampla luasteorainneacha. Tá ceamaraí luais coitianta agus bíonn póilíní na Fraince airdeallach
  • Caith crios sábhála i gcónaí
  • Coinnigh doirse na feithicle faoi ghlas agus ná bíodh málaí le feiceáil, ar fhaitíos go ndéanfaí iarracht iad a ghoid agus tú stoptha ag soilse tráchta

Pionóis tiomána

Lean na dlíthe tráchta go cúramach mar tá pionós géar ann má bhriseann tú an dlí. D’fhéadfadh pionós ar bith a bheith i gceist ó fhíneáil ar an láthair, go dtí do cheadúnas tiomána a choigistiú, go dtí príosúnacht (do choireanna tromchúiseacha ar nós tiomáint faoi thionchar an óil nó drugaí nó tiomáint faillíoch). 

Má déantar coigistiú ar do cheadúnas, ní bheidh cead agat leanúint ort ag tiomáint agus coinneofar d’fheithicil mura bhfuil tiománaí eile a bhfuil lán-cheadúnas acu ar fáil chun í a thiomáint.  

Anáileadáin

Ón bhliain 2012, tá sé éigeantach faoin dlí anáileadán is féidir a úsáid aon uair amháin a bheith agat i d’fheithicil, (lena n-áirítear gluaisrothair). Ceannaigh trealamh a chomhlíonann rialacháin na Fraince agus a bhfuil lipéad ‘NF’ air. Moltar duit dhá anáileadán ar a laghad a bheith ar iompar agat i gcónaí.

Trealamh sábháilteachta

Tá ort triantán foláirimh frithchaiteach dearg agus veist shofheicthe a iompar i d’fheithicil i gcónaí. Bíonn seicphointí póilíní go minic ar an mbealach amach as na príomhchalafoirt farantóireachta chun seiceáil a bhfuil an trealamh sábháilteachta atá ag teastáil ar iompar ag tiománaithe, mar sin, bí cinnte go bhfuil an trealamh agat i d’fheithicil sula dtéann tú chun na Fraince. Mura mbeidh tú in ann an trealamh sábháilteachta seo a chur ar fáil ag láthair thimpiste nó má chliseann d’fheithicil nó i rith cigireachta ó na póilíní, d’fhéadfadh sé go ngearrfaí fíneáil ort. 

Tá ort an triantán foláirimh a chur ar taispeáint 30 méadar ó d’fheithicil i gcás timpiste nó má chliseann d’fheithicil (ach amháin sa chás agus go gcliseann d’fheithicil ar mhótarbhealach áit nach bhfuil sé sábháilte siúl siar 30 méadar – sa chás seo, leag an triantán achar suntasach ó d’fheithicil, ag cur cúinsí sábháilteachta ins an áireamh). 

Tá ort veist shofheicthe a iompar sa phríomhchuid de d’fheithicil (agus ní sa bhúit). Tá ort an veist a chaitheamh sa chás go gcliseann d’fheithicil ag aon am agus tá ort é a chur ort sula dtéann tú amach as d’fheithicil. 

Séasúr tráchta trom

Ag tréimhsí saoire traidisiúnta an tsamhraidh sa Fhrainc, bíonn trácht thar a bheith trom ar na bóithre ag deireadh seachtainí an 4 Iúil, 11 Iúil, 1 Lúnasa agus 15 Lúnasa. Tabhair neart am breise duit féin agus tóg briseadh go rialta ar do thuras ag na deireadh seachtainí seo, go háirithe ar bhóithre a cheanglaíonn Páras leis an deisceart. 

D’fhéadfadh sé go mbeadh droch thranglam tráchta ar na mótarbhealaí, mar sin bí cinnte go bhfuil do dhóthain breosla agat, agus tóg breosla go rialta, mar go bhféadfadh sé achar níos faide a thógáil ort ná mar a shílfeadh tú chun an chéad stáisiún breosla eile a bhaint amach.

Tá mapaí agus grafaicí dathchódaithe ar na láithreáin ghréasáin seo de chuid na Fraince ar féidir le daoine nach labhraíonn Fraincis iad a thuiscint agus d’fhéadfadh siad cúnamh a thabhairt duit do thuras a phleanáil:

Cúnamh i gcás eachtra

Is coir é sa Fhrainc gan stopadh agus cúnamh a thabhairt do thríú páirtí a bhfuil deacracht acu (ar an mbóthar nó in áit éigin eile). Má bhíonn ort stopadh ar thaobh an bhóthair chun cúnamh a thabhairt do dhuine éigin, tá ort do veist shofheicthe a chur ort sula bhfágann tú d’fheithicil féin.

Tiománaithe trucaile

Más tiománaí trucaile tú, bí cinnte go bhfuil tú ar an eolas faoi rialacháin tráchta na Fraince, go háirithe na sonraí faoin uair is féidir agus nach féidir leat na mótarbhealaí a úsáid.

Coisithe

Mar choisí, cuimhnigh go mbeidh an trácht ag teacht ó mhalairt treo leis an trácht in Éirinn. Bí thar a bheith airdeallach faoin dainséar breise ins an oíche, má bhíonn tá ag siúl ar thaobh bóithre gan chosán ceart nó ag trasnú bóithre, fiú amháin ag áit sainithe chun trasnú ann.

Rothaithe

Tá scéimeanna poiblí chun rothair a fháil ar cíos i bPáras agus i gcathracha go leor eile. Mar rothaí, níl cead agat rothaíocht ar chosáin mura bhfuil lána rothaíochta marcáilte mar chuid den chosán. Géill do na rialacha ábhartha tráchta ar fad agus déan an réamhchúram sábháilteachta cuí, go háirithe mura bhfuil cleachtadh agat ar rothaíocht ar thaobh na láimhe deise den bhóthar. Seachain rothaíocht má tá tú faoi thionchar an óil. 

Tá ar gach rothaí veist shofheicthe a chaitheamh nuair a bhíonn siad ag rothaíocht lasmuigh de cheantair uirbeacha ins an oíche.

Feithicil a fhruiliú

Má tá feithicil á fruiliú agat, moltar duit gan do phas a thabhairt ar lámh mar shlándáil. Fiú má thugann tú cead do phas a fhótachóipeáil, bíodh sé le feiceáil agat an t-am ar fad.

Seiceáil go bhfuil árachas dóthanach agat agus léigh téarmaí & coinníollacha an chonartha fruilithe feithicle (go háirithe aon tarscaoileadh a mbeadh feidhm leis dá ndéanfaí damáiste don fheithicil).

 

Dlíthe agus gnásanna áitiúla

Comhairle phraiticiúil

  • Léigh an chomhairle taistil, cuir tú féin ar an eolas sula dtaistealaíonn tú agus faigh comhairle go háitiúil nuair a bhaineann tú ceann scríbe amach
  • Cuimhnigh go mbaineann na dlíthe áitiúla leatsa, mar chuairteoir, agus nach mór duit cloí leo
  • Bí measúil ar nósanna, ar thraidisiúin agus ar chleachtais áitiúla, mar go mb’fhéidir go bhféachfaí ar an gcaoi a n-iompraíonn tú tú féin mar iompar a bheadh as bealach, naimhdeach nó in aghaidh an dlí.

Drugaí neamhdhleathacha

Gearrtar pionós géar ar úsáid drugaí neamhdhleathacha (is cuma cén druga é). Má rugtar ort agus drugaí neamhdhleathacha nó earraí smuigleáilte i do sheilbh, is féidir tú a chur faoi choimeád ar feadh tréimhse an fhiosrúcháin (a d’fhéadfadh maireachtáil ar feadh roinnt míonna nó fiú amháin blianta). Má bhí drugaí neamhdhleathacha nó earraí smuigleáilte i d’fheithicil, is féidir le Custaim na Fraince í a choinneáil le linn thréimhse an fhiosrúcháin.

Maoin a cheannach sa Fhrainc

Má tá tú ag pleanáil maoin a cheannach sa Fhrainc, moltar go láidir duit dul i gcomhairle le comhairleoir neamhspleách dlí ó thús an phróisis. Ba chóir go mbeifeá ar an eolas mar úinéir maoine, go bhféadfá a bheith faoi dhliteanas chun cáin bhliantúil a íoc ar luach do chuid maoine. 

Ní féidir leis an Ambasáid comhairle a chur ort faoi mhaoin a cheannach ná idirghabháil a dhéanamh i gconspóidí maoine.

Tubaistí nádúrtha agus an aeráid

Comhairle phraiticiúil

  • Má tá tú ag taisteal chun na Fraince, bí cinnte go dtuigeann tú cad atá romhat – ansin pleanáil agus pacáil dá réir
  • Faigh comhairle áitiúil faoin méid a cheart a dhéanamh i gcás eachtra tromchúiseach nó i gcoinníollacha contúirteacha
  • Comhoibrigh le húdaráis áitiúla agus le seirbhísí éigeandála i gcás eachtra tromchúiseach

Comhairle Taistil Te Fuara

Eolas Breise

Riachtanais iontrála (víosa/pas)

Teastaíonn pas bailí chun cuairt a thabhairt ar an Fhrainc agus moltar duit roinnt fótachóipeanna de do phas a thabhairt leat. Ba chóir duit fótachóip de do phas a iompar an t-am ar fad le linn do chuairte.

Traenacha

Feidhmíonn Eurostar ó Pháras, Lille, Calais agus an Bhruiséil chuig St Pancras Londain. Is féidir áirithintí a dhéanamh ar www.eurostar.com nó (ó laistigh den Fhrainc – ag ardrátaí) 0892-353539.

Is féidir leat traein a chur in áirithe ó laistigh den Fhrainc ar www.voyages-sncf.com.

Roinnt carranna

Táimid ar an eolas faoi láithreáin ghréasáin éagsúla ag tairiscint deiseanna chun carranna a roinnt ach nílimid in ann rathaíocht a thabhairt ó thaobh bhailíocht na gcuideachtaí sin. Ar do phriacal féin atá sé aon chinneadh a dhéanamh úsáid a bhaint as seirbhísí den saghas seo.