Fianáin

Úsáidimid fianáin ionas go bhfaighidh tú an taithí is fearr ar ár láithreán agus comhlíonaimid ár gceanglais Cosanta Sonraí ag an am céanna. Lean ort gan do chuid socruithe a athrú, agus gheobhaidh tú fianáin, nó athraigh do chuid socruithe fianáin ag aon tráth.

Skip to main content

An Pholainn

Má tá tú ag taisteal chun na Polainne, gheobhaidh tú leideanna praiticiúla agus eolas áisiúil sa mhír comhairle taistil agus san eolas nuashonraithe.

Níl an leagan Gaeilge ar fáil go fóill, más maith leat an leagan Béarla a léamh féach thíos.

Get travel and medical insurance

Before travelling, the Department strongly recommends that you obtain a European Health Insurance Card (EHIC), available by contacting the Health Service Executive, and that you also obtain comprehensive travel insurance which will cover all overseas medical costs, including medical repatriation/evacuation, repatriation of remains and legal costs. You should check any exclusions and, in particular, that your policy covers you for the activities you want to undertake.

Forléargas

Déanaimid ár ndícheall an chomhairle taistil is déanaí a thabhairt duit i nGaeilge, ach mar gheall go bhféadfadh athrú an-tapa teacht ar chúrsaí, go háirithe i gcás géarchéime, ní féidir linn a ghealladh go mbeidh an chomhairle taistil i nGaeilge go hiomlán cothrom le dáta. Lena chinntiú go bhfaighidh tú an chomhairle is déanaí, go háirithe maidir le stádas slándála, féach an leagan Béarla chomh maith, nó déan teagmháil díreach linn.

Stádas slándála

Má tá tú ag pleanáil cuairt ar an bPolainn, moltar duit gnáth-réamhchúram a dhéanamh. 

Cláraigh linn

Má tá sé i gceist agat cuairt a thabhairt ar an bPolainn nó fanacht ann, ba chóir duit do chuid mionsonraí a chlárú linn, ionas go bhféadfaimid tú a aimsiú go tapa sa chás go dtarlódh géarchéim nach raibh súil léi, mar shampla tubaiste nádúrtha, nó eachtra éigeandála i do theaghlach, agus tú thar lear.  Ansin, d’fhéadfaimis cabhair a thairiscint duitse nó do do theaghlach más gá.

Comhairle uainne

Moltar duit an méid is féidir a fhoghlaim faoin bPolainn sula dtéann tú ann.

Moltar duit freisin an treoir taistil Eolas Roimh Thaisteal a léamh chun leideanna praiticiúla a fháil ar thaisteal thar lear.

Cárta Árachais Sláinte Eorpach

Moltar duit Cárta Árachais Sláinte Eorpach (EHIC) a fháil sula dtaistealaíonn tú chun na Polainne. Tháinig an cárta seo isteach in áit na foirme E111 agus tugann sé teidlíocht duit cóireáil liachta éigeandála a fháil ar na téarmaí céanna le náisiúnaigh de chuid na Polainne.

Níl an EHIC beartaithe áit an árachais taistil a thógáil agus ní chlúdaíonn sé aisdúichiú liachta, cóireáil liachta leanúnach ná cóireáil nach bhfuil práinneach. Dá bhrí sin moltar duit fós árachas liachta príobháideach cuimsitheach a fháil sula dtaistealaíonn mar nach gclúdaíonn an EHIC ach cóireáil éigeandála in ospidéil phoiblí agus sin amháin. Féadfaidh tú iarratas ar EHIC a dhéanamh ar líne ag www.ehic.ie.

D’fhéadfadh nach nglacfadh ranna Timpistí agus Éigeandála in ospidéil phoiblí sa Pholainn le cártaí ballraíochta d’árachas príobháideach agus go mbeadh íocaíocht airgid ag teastáil mura mbeadh tú in ann Cárta Árachais Sláinte Eorpach (EHIC) a thaispeáint.

Cúnamh éigeandála

Is minic gur fearr a bhíonn daoine áitiúla in ann cabhrú leat, mar sin labhair le muintir na háite, d’ionadaí tionscnóra turas nó bainistíocht d’óstáin.

Déan teagmháil leis an Ambasáid

I gcás éigeandála, nó má tá cabhair agus comhairle uait, féadfaidh tú teagmháíl a dhéanamh le hAmbasáid na hÉireann i Vársá.

Má ghlaonn tú lasmuigh d’uaireanta oibre, fág teachtaireacht le:

  • D’ainm
  • An cineál faidhbe atá agat
  • An áit a bhfuil tú anois
  • Do chuid mionsonraí teagmhála (uimhir fón póca nó uimhir theileafóin don áit a bhfuil tú ag fanacht ann)

Déanaimid monatóireacht rialta ar na teachtaireachtaí sin agus déanfaidh duine den fhoireann teagmháil leat.

Conas is féidir linn cabhrú leat

Tá go leor taithí againn cabhrú le saoránaigh de chuid na hÉireann a mbíonn fadhbanna acu agus iad thar lear. Foghlaim níos mó faoin gcineál cúnaimh éigeandála is féidir linn a thairiscint duit.

Sábháilteacht agus Slándáil

Comhairle phraiticiúil

  • Léigh an treoir taistil Eolas Roimh Thaisteal chun leideanna slándála áisiúla a fháil maidir le taisteal thar lear
  • Faigh eolas go háitiúil maidir le ceantair lena mbaineann baol agus ábhair imní slándála
  • Déan réamhchúram ciallmhar maidir le sábháilteacht agus slándáil
  • Bíodh an té le dul i dteagmháil leis i gcás éigeandála ar eolas agat

Sceimhlitheoireacht

Cé go bhfuil an baol ó sceimhlitheoireacht sa Pholainn íseal, tá baol domhanda ann fós ó ionsaithe sceimhlitheoireachta neamh-idirdhealaitheacha, a d’fhéadfadh a bheith dírithe ar thargaidí sibhialta, lena n-áirítear áiteanna ina gcruinníonn turasóirí agus easaoránaigh.

Coiriúlacht

Tá an ráta coiriúlachta fós sách íseal sa Pholainn Níl robáil le foréigean coitianta i Vársá, ach tá fadhb le peasghadaíocht in áiteanna poiblí agus ar iompar poiblí ó agus chuig Aerfort Vársá agus ag na príomhstáisiúin traenach, go háirithe nuair atá siad plódaithe. Ba chóir duit réamhchúram ciallmhar a dhéanamh:

  • Ná bíodh do chárta creidmheasa, do thicéid taistil ná do chuid airgid ar iompar in éineacht agat – fág airgead breise agus nithe luachmhara in áit sábháilte
  • Ná bíodh do phas ar iompar agat mura bhfuil géarghá leis. Tabhair cóip de leat nuair a théann tú amach, ach bí cinnte an ceann bunaidh a thabhairt leat má tá sé i gceist agat dul trasna teorainn náisiúnta. Fág cóip de do phas (agus de do dhoiciméid taistil agus árachais) le do theaghlach nó le cairde sa bhaile
  • Ná taispeáin méideanna móra airgid go poiblí agus ná bain úsáid as ATManna tar éis thitim na hoíche, go háirithe má bhíonn tú leat féin. Seiceáil nach bhfuil aon duine do do leanúint tar éis duit do chuid gnó a chur i gcrích
  • Coinnigh súil ghéar ar do chuid stuif agus coinnigh greim air in áiteanna poiblí mar caiféanna idirlín agus stáisiúin bus nó traenach.
  • Seachain sráideanna agus staighrí dorcha nó gan soilse. Socraigh síob a fháil ó/go dtí chomh gar do dhoras d'óstáin/d'árasáin agus is féidir.

Pas caillte nó goidte

Déan pas caillte nó goidte a thuairisciú do na póilíní mar go dteastóidh ráiteas den chaillteanas uait sula bhféadfar pas nua nó doiciméid taistil éigeandála a eisiúint ort. Níl ach Ambasáid na hÉireann i Vársá údaraithe le doiciméid taistil athsholáthair a eisiúint.

Cóisirí báb/stumpaí

Tá dea-cháil ar mhuintir na hÉireann sa Pholainn ach níl Polannaigh in ann iad a aithint mar Éireannaigh láithreach. Caitheadh go míchairdiúil le hÉireannaigh líon beag uaireanta mar gheall ar feiniméan na gcóisirí báb/stumpaí (go háirithe i Krakow) a mheas daoine áitiúla iad a bheith suaiteach agus colúil.  Táthar ar an eolas san Ambasáid d’eachtraí roimhe seo ina ndearnadh ionsaí ar thurasóirí le Béarla, lena n-áirítear Éireannaigh, i Krakow.

Coiriúlacht a chur in iúl

Má fhulaingíonn tú coir agus tú sa Pholainn, cuir in iúl do na póilíní láithreach é.  Féadfaidh tú teagmháil a dhéanamh linn ag Ambasáid na hÉireann má tá cabhair uait.

Tiomáint

Má tá sé i gceist agat a bheith ag tiomáint sa Pholainn, ba chóir duit a bheith an-chúramach. Bíonn drochbhail ar bhóithre go minic, is féidir le tiomáint a bheith contúirteach agus tá timpistí cairr marfacha an-choitianta. Tá coinníollacha i bhfad níos contúirtí fiú sa gheimhreadh; dá bhrí bíodh do charr feistithe don drochaeráid. Foghlaim tuilleadh ó Bhróisiúr um Shábháilteacht ar Bhóithre ó Údarás Bóithre na Polainne‌.

Más mian leat a bheith ag tiomáint:

  • Tabhair leat do cheadúnas tiomána Éireannach iomlán agus bí cinnte go bhfuil árachas iomchuí agus dóthanach agat
  • Ba chóir duit do dhoiciméid chlárúcháin feithicle bhunaidh, do dhoiciméid úinéireachta agus do dhoiciméid árachais a bheith ar iompar agat i gcónaí
  • Ní ghlactar in aon chor le tiomáint faoi thionchar an óil sa Pholainn
  • Bí ar an eolas faoi dhlíthe tráchta na Polainne, mar shampla luasteorainneacha
  • Caith crios sábhála i gcónaí, sna suíocháin tosaigh agus deiridh
  • Bíodh do cheannsoilse ar siúl nuair atá tú ag tiomáint
  • Tá cosc ar fón póca a úsáid agus tú ag tiomáint (mura bhfuil fearas lámhshaor agat)
  • Is coitianta an rud é go ngoidtear carranna agus go ngoidtear doiciméid as feithiclí, agus dá bhrí sin coinnigh doirse na feithicle faoi ghlas agus do chuid málaí as amharc

Dolaí bóthair

Tá dolachóras uathoibrithe i bhfeidhm sa Pholainn anois do gach feithicil os cionn 3.5 tonna agus/nó a bhfuil níos mó ná naoi suíochán iontu.

Feithicil a fhruiliú

Má tá feithicil á fruiliú agat, moltar duit gan do phas a thabhairt ar lámh mar shlándáil.  Fiú má thugann tú cead do phas a fhótachóipeáil, bíodh sé le feiceáil agat an t-am ar fad.

Seiceáil go bhfuil árachas dóthanach agat agus léigh téarmaí & coinníollacha an chonartha fruilithe feithicle (go háirithe aon tarscaoileadh a mbeadh feidhm leis dá ndéanfaí damáiste don fheithicil).

Tacsaithe

Tuairiscítear go bhfuil tiománaithe tacsaithe neamhrialáilte ag gearradh an iomarca airgid i Vársá, go háirithe ag an aerfort. Dá bhrí sin, déan neamhaird de na tacsaithe go léir sa halla isteach ag an aerfort agus téigh chuig stad na dtacsaithe lasmuigh. Gheobhaidh tú tacsaithe oifigiúla ansin, a bhfuil ainm agus uimhir theileafóin na cuideachta tacsaithe ar thaobh an dorais agus ar bharr an tacsaí (le taobh an tsolais gafa/saor). Ní tacsaithe cláraithe go hoifigiúil iad tacsaithe le meirge ach gan ainm cuideachta.

Thairis sin, ba chóir duit glaoch a chur ar tacsaithe le haghaidh seirbhíse seachas ceann atá páirceáilte nó cinn atá ag tiomáint tharat a úsáid a d’fhéadfadh i bhfad níos mó a chosaint. De ghnáth bíonn seirbhís na gcuideachtaí a úsáideann seirbhís teileafóin pras agus iontaofa.

Dlíthe agus gnásanna áitiúla

Comhairle phraiticiúil

  • Léigh an chomhairle taistil, cuir tú féin ar an eolas sula dtaistealaíonn tú agus faigh comhairle go háitiúil nuair a bhaineann tú ceann scríbe amach
  • Cuimhnigh go mbaineann na dlíthe áitiúla leatsa, mar chuairteoir, agus nach mór duit cloí leo
  • Bí measúil ar nósanna, ar thraidisiúin agus ar chleachtais áitiúla, mar go mb’fhéidir go bhféachfaí ar an gcaoi a n-iompraíonn tú tú féin mar iompar a bheadh as bealach, naimhdeach nó in aghaidh an dlí

Céannacht phearsanta

Moltar duit cineál eile céannachta, mar cheadúnas tiomána, a thabhairt leat chun na Polainne chomh maith le do phas.

Teanga

Is beag duine a labhraíonn Béarla lasmuigh de cheantair turasóireachta sna cathracha móra. D’fhéadfadh Béarla a bheith teoranta, fiú i gceantair thurasóireachta. I gceantair thiar agus ó thuaidh d’fhéadfadh Gearmáinis a bheith úsáideach mar dhara teanga.

Alcól

Is féidir le húdaráis na Polainne déileáil ar shlí thar a bheith dian le daoine ar meisce go poiblí (ar na sráideanna, ar iompar poiblí, srl.). Tá sé de cheart acu daoine a choinneáil in ionaid díthocsainithe má mheasann siad iad a bheith go mór ar meisce. Tá cásanna ann inar chaill daoine a coinníodh sna hionaid sin a gcuid eitiltí an mhaidin dar gcionn.

Moltar go láidir duit gan a bheith ag ól in áiteanna poiblí sa Pholainn, rud atá in aghaidh an dlí, agus gan an chosúlacht a bheith ort go bhfuil tú ar meisce.

Dé-náisiúnaigh

Faoi dhlí na Polainne, ní mór caitheamh le duine le Pas de chuid na Polainne mar a chaithfí le náisiúnach de chuid na Polainne fad is atá siad sa Pholainn, fiú má tá pas tíre eile acu. Dá bhrí sin, más dé-náisiúnach tú, éileoidh údaráis na Polainne ort dul isteach agus amach as an bPolainn ar do phas Polannach.

Mar dhé-náisiúnach de chuid na Polainne agus na hÉireann, má dhéantar tú a ghabháil nó a choinneáil sa Pholainn, caithfidh údaráis na Polainne leat mar Pholannach. Beidh na cearta céanna agat is atá ag aon shaoránach eile de chuid na Polainne sna himthosca sin (lena n-áirítear an ceart ionadaíocht dhlíthiúil a fháil), b’fhéidir, áfach, nach mbeadh Ambasáid na hÉireann in ann ach cúnamh consalachta teoranta a thabhairt duit.

Tubaistí nádúrtha agus an aeráid

Comhairle phraiticiúil

  • Má tá tú ag taisteal chun na Polainne, bí cinnte go dtuigeann tú cad atá romhat – ansin pleanáil agus pacáil dá réir 
  • Faigh comhairle áitiúil faoin méid a cheart a dhéanamh i gcás eachtra tromchúiseach nó i gcoinníollacha contúirteacha
  • Comhoibrigh le húdaráis áitiúla agus le seirbhísí éigeandála i gcás eachtra tromchúiseach

Comhairle Taistil Te Fuara

Bíonn an geimhreadh an-chrua de réir chaighdeán na hÉireann, agus bíonn stoirmeacha sneachta ann ó mí na Nollag go dtí mí an Mhárta. Is ionann an gnáth-theocht i mí Eanáir agus thart ar -4'C ach is féidir léi titim chomh hísle le 35'C. Tá sé riachtanach a bheith gléasta i gceart le haghaidh an aimsir má tá sé i gceist agat taisteal go dtí an Pholainn i rith an gheimhridh.

Eolas Breise

Riachtanais iontrála (víosa/pas)

Teastaíonn pas bailí le cuairt a thabhairt ar an bPolainn agus moltar duit roinnt fótachóipeanna de do phas a thabhairt leat. Ba chóir duit fótachóip de do phas a bheith ar iompar agat an t-am ar fad le linn do chuairte.

Beidh víosa uait más mian leat dul isteach chun na Bealarúise – áirítear duine ar bith ag taisteal ar thraein ar bhealach Vársá-Moscó air sin.

Sláinte

D’fhéadfadh nach nglacfadh ranna Timpistí agus Éigeandála in ospidéil phoiblí sa Pholainn le cártaí ballraíochta d’árachas príobháideach agus go mbeadh íocaíocht airgid ag teastáil mura mbeadh tú in ann Cárta Árachais Sláinte Eorpach (EHIC) a thaispeáint.