Fianáin

Úsáidimid fianáin ionas go bhfaighidh tú an taithí is fearr ar ár láithreán agus comhlíonaimid ár gceanglais Cosanta Sonraí ag an am céanna. Lean ort gan do chuid socruithe a athrú, agus gheobhaidh tú fianáin, nó athraigh do chuid socruithe fianáin ag aon tráth.

Skip to main content

An Spáinn

Má tá tú ag taisteal chun na Spáinne, tugann an comhairle taistil atá cothrom le dáta leideanna praiticiúla agus eolas úsáideach duit.

Níl an leagan Gaeilge ar fáil go fóill, más maith leat an leagan Béarla a léamh féach thíos.

Get travel and medical insurance

Before travelling, the Department strongly recommends that you obtain a European Health Insurance Card (EHIC), available by contacting the Health Service Executive, and that you also obtain comprehensive travel insurance which will cover all overseas medical costs, including medical repatriation/evacuation, repatriation of remains and legal costs. You should check any exclusions and, in particular, that your policy covers you for the activities you want to undertake.

Forléargas

Déanaimid gach iarracht an chomhairle taistil is déanaí a thabhairt duit i nGaeilge, ach mar gheall ar chomh tapa is a thagann athrú ar chúrsaí, go háirithe i gcás géarchéime, ní féidir linn a ghealladh go mbeidh an chomhairle taistil seo i nGaeilge go hiomlán cothrom le dáta. Chun a chinntiú go bhfaighidh tú an chomhairle is déanaí, go háirithe ó thaobh slándála, seiceáil an leagan Béarla freisin, nó déan teagmháil dhíreach linn.

Stádas Slándála

Má tá tú ag pleanáil cuairt a thabhairt ar an Spáinn, moltar duit gnáth-réamhchúram a dhéanamh.

Cláraigh linn

Má tá sé ar intinn agat cuairt a thabhairt ar an Spáinn, ba chóir duit do chuid mionsonraí a chlárú linn, ionas go mbeidh ar a gcumas tú a aimsiú go tapa i gcás go dtarlódh géarchéim nach raibh súil léi ar nós tubaiste nádúrtha nó má tharlaíonn eachtra éigeandála i do theaghlach agus tú thar lear. Agus, más gá, d’fhéadfaimis cabhair a thairiscint duitse agus don teaghlach.

Comhairle uainne

Rangaítear an Spáinn ar an  bpríomh-cheann scríbe do thurasóirí na hÉireann, tugann os cionn 1.3 milliún turasóir ó Éirinn cuairt ar an Spáinn gach aon bhliain.  Ar an iomlán, is tír sábháilte í an Spáinn do thurasóirí na hÉireann agus is beag fadhb a bhíonn le saoire sa tír sin. Mar sin féin cuireann an Ambasáid cúnamh consalachta ar fáil do os cionn 350 cás ar an meán in aghaidh na bliana do shaoránaigh na hÉireann a mbíonn fadhbanna acu. 

Na príomhleideanna ar thaisteal chun na Spáinne - léigh an chomhairle taistil, bíodh meas agat ar dhlíthe áitiúla, bhíodh árachas taistil agat, agus bí ar an eolas cén áit le glaoch má bhíonn fadhbanna agat.

Moltar duit freisin an treoir taistil Eolas Roimh Thaisteal a léamh ar mhaithe le leideanna praiticiúla a fháil maidir le taisteal thar lear.

Cárta Árachais Sláinte Eorpach

Moltar duit Cárta Árachais Sláinte Eorpach (EHIC) a fháil sula dtéann tú chun na Spáinne. Tháinig an cárta seo in áit na foirme E111 agus tugann sé teidlíocht duit cóireáil liachta éigeandála a fháil ar na téarmaí céanna le náisiúnaigh na Spáinne.

Níl an EHIC ag tógáil áit an árachais taistil agus ní chlúdaíonn sé aisdúichiú liachta, cóireáil liachta leanúnach nó cóireáil nach bhfuil práinneach. Féadfaidh tú iarratas ar EHIC a dhéanamh ar líne ag www.ehic.ie.

Cúnamh Éigeandála

Is minic gur fearr a bhíonn daoine áitiúla in ann cabhrú leat, mar sin déan iarracht labhairt le muintir na háite,  le hionadaí an tionscnóra turais nó le bainistíocht an óstáin. Féadfaidh tú teagmháil a dhéanamh freisin le Seirbhísí Éigeandála na Spáinne trí ghlaoch a chur ar 112. Labhraíonn an lucht feidhme Béarla.

Déan teagmháil leis an Ambasáid

I gcás éigeandála, nó má tá cabhair agus comhairle uait, is féidir leat teagmháil a dhéanamh le hAmbasáid na hÉireann i Maidrid ar: +34 914364093. If you phone outside of normal working hours, you will be asked to leave a message on the answering machine. Déanaimid monatóireacht ar bhonn rialta ar na teachtaireachtaí sin agus déanfaidh duine den fhoireann teagmháil leat.

Má chuireann tú glaoch lasmuigh d’uaireanta oibre, fág teachtaireacht le:

  • D’ainm
  • An cineál faidhbe atá agat
  • An áit a bhfuil tú faoi láthair
  • Do chuid mionsonraí teagmhála (uimhir fón póca nó uimhir theileafóin don áit a bhfuil tá ag fanacht)

Tabhair ar aird le do thoil go bhfeidhmítear an dualgas seirbhíse sin ó Ambasáid na hÉireann i Maidrid (agus ní ó Chonsalacht Oinigh in áiteanna eile sa Spáinn) agus gur ar mhaithe le húsáid éigeandála agus sin amháin atá an tseirbhís lasmuigh d’uaire oibre.

Conas is féidir linn cabhrú leat

Tá go leor taithí againn ó thaobh cabhrú le saoránaigh de chuid na hÉireann a mbíonn fadhbanna acu le linn dóibh a bheith thar lear. Foghlaim tuilleadh faoin gcineál cúnaimh is féidir linn a thairiscint duit.

Sábháilteacht agus Slándáil

Comhairle phraiticiúil

  • Léigh treoir taistil Eolas Roimh Thaisteal chun leideanna slándála úsáideacha a fháil nuair atá tú ag taisteal thar lear.
  • Faigh eolas go háitiúil maidir le ceantair lena mbaineann baol agus údar imní slándála.
  • Tóg réamhchúraimí ciallmhara maidir le sábháilteacht agus slándáil.
  • Bí ar an eolas maidir leis an duine le dul i dteagmháil leis i gcás éigeandála

Corraíl Shóisialta

Tá an staid pholaitiúil sa Spáinn réasúnta cobhsaí ach tá ardú tagtha ar ghníomhaíocht tionsclaíoch agus ar léirsithe poiblí a bhféadfadh tionchar a bheith acu ar sheirbhísí áitiúla nó ar iompar agus d’fhéadfadh siad cur as do thrácht, go háirithe sna cathracha móra ar nós Maidrid agusBarcelona. Cé go bhfuil an chuid is mó de na léirsithe síochánta, d’fhéadfadh athrú a theacht air sin ar iompú do bhoise.

Moltar fanacht glan ar léirsithe agus achrann leis na póilíní nó leis an lucht léirsithe a sheachaint.  Sa chás go bhfuil léirsiú á phleanáil nó faoi lán seoil ba chóir duit comhairle áitiúil a lorg ionas go mbeidh ar do chumas an treo atá pleanáilte ag an lucht máirseála a thógáil a sheachaint.  Ba chóir duit nuashonruithe maidir le taisteal agus moill ar iompar a sheiceáil freisin roimh agus le linn do chuairt ar an Spáinn.

Sceimhlitheoireacht

Níl ETA, eagraíocht sceimhlitheoireacht na mBascach chomh gníomhach sin le blianta beag anuas agus níor thug siad faoi aon ionsaí ón mbliain 2009. D’fhógair siad sos cogaidh cinntitheach an 20 Deireadh Fómhair 2011.  Is sa bhliain 2006 a rinne ETA  an mórionsaí deiridh tráth ar maraíodh beirt nuair a phléasc siad buama i gcarr i gcarrchlós i Maidrid.

Pléascadh buamaí ar thraenacha comaitéara i Maidrid i mí an Mhárta 2004 agus maraíodh 192 duine. Cuireadh an milleán ar líonra sceimhlitheoireachta an Al Qaeda maidir leis an ionsaí sin. In 2007, chiontaigh cúirt sa Spáinn 21 duine as a bheith rannpháirteach sa bhuamáil.

Ar aon dul le páirteanna eile den Aontas Eorpach, tá Rialtas na Spáinne agus na fórsaí slándála ar an airdeall maidir le bagairt na sceimhlitheoireachta agus tá siad ag tabhairt faoi bhearta suntasacha le haghaidh a thabhairt ar an mbagairt sin.  Mar sin féin, ba chóir do shaoránaigh na hÉireann a bheith airdeallach agus treoracha ó na póilíní áitiúla agus óna dtionscnóirí turais a leanúint i gcónaí. 

Coiriúlacht

Is ráta measartha coiriúlachta atá sa chuid is mó den Spáinn.  Ba chóir duit a bheith ar an eolas go bhfuil baol i bhfad níos airde ó pheasghadaíocht agus ó mhugáil in áiteanna ar nós aerfoirt, stáisiún bus, stáisiúin traenach, ceantair thurasóireachta agus i gcathracha móra ar nós Maidrid agusBarcelona. Moltar duit réamhchúraimí  bunúsacha a ghlacadh:

  • Fág nithe luachmhara in áit shábháilte ar nós an taisceadán san óstán agus ná bíodh ar iompar agat ach cárta creidmheasa amháin agus suim bheag airgid.
  • Ná bíodh do phas ar iompar agat ach amháin má tá sé riachtanach go hiomlán. Bain úsáid as grianghraf aitheantais eile agus bíodh cóip den leathanach ar eolas pearsanta den phas ar iompar agat.  Is féidir leat cóip den phas a fhágáil (agus doiciméid taistil agus árachais) le do theaghlach agus le cairde sa bhaile freisin.  
  • Seachain suimeanna móra airgid a thaispeáint go poiblí agus ná bain úsáid as ATManna  ó éiríonn sé dorcha, go háirithe má bhíonn tú leat féin. Seiceáil nach bhfuil aon duine do leanúint tar éis duit do ghnó a dhéanamh.
  • Coinnigh súil ghéar ar do chuid stuif agus coinnigh greim air in áiteanna poiblí ar nós caife idirlín agus stáisiúin bus nó traenach.
  • Seachain sráideanna agus staighrí dorcha gan soilse.
  • Ná fág nithe luachmhara pearsanta i do charr.

Mionghadaíocht

Bí ar an airdeall maidir le mionghadaíocht: baineann pasanna agus cártaí creidmheasa goidte le go leor de na cásanna a thuairiscítear dúinn.

Seachain dul isteach ar an traein in aice leis an mbealach amach/bealach isteach chuig an ardán iarnróid sna stáisiúin mheitreo, mar go mbailíonn peasghadaithe sna háiteanna sin go hiondúil. D’fhéadfadh gadaithe a bheith i mbun na gadaíochta i ngrúpaí agus d’fhéadfadh duine amháin d’aird a tharraingt le deis a thabhairt dá chomhghleacaí tú a robáil níos éasca.

Drugaí maidir le héigniú coinne

Tá rabhadh tugtha ag Údaráis na Spáinne ó thaobh drugaí maidir le héigniú coinne atá á n-úsáid, lena n-áirítear GBH agus eacstaise leachta. Bí cúramach i gcónaí agus ná cuir tú féin i mbaol díreach mar gheall go bhfuil tú ar saoire.

Coiriúlacht feithicle

Tá gadaíocht ó fheithiclí coitianta sa Spáinn. Cuimhnigh do chuid doirse a chur faoi ghlas agus na fuinneoga dúnta agus coinnigh nithe luachmhara as radharc le linn duit a bheith ag tiomáint.

Bí ar an airdeall maidir le ‘fuadaitheoirí mórbhealaí’ a dhíríonn ar charranna le cláruimhreacha eachtracha agus ar charranna ar cíos. Tuairiscítear gníomhaíocht den sórt sin in aice le haerfoirt, go háirithe.  Déanfaidh cuid acu iarracht tú a stopadh agus iad ag déanamh amach go bhfuil rud éigin mícheart le do charr nó go bhfuil damáiste déanta agat dá gcarr féin.  Bualfaidh siad do charr féin uaireanta, le go mbeidh ort stopadh agus a theacht amach as an gcarr agus ansin sciobfaidh siad do mhaoin phearsanta uait.

Má dhéanann tú an cinneadh go bhfuil tú chun stopadh ar mhaithe le coinníollacha d’fheithicil féin/nó feithicil na ndaoine sin a sheiceáil, déan iarracht stopadh in áit ina bhfuil daoine agus soilse, ar nós garáiste, agus bí thar a bheith aireach má thairgeann aon duine cúnamh duit.

Camscéimeanna crannchuir

Tá go leor camscéimeanna Crannchuir á reáchtáil sa Spáinn. Moltar duit a bheith aireach má dhéanann aon eagraíocht teagmháil leat agus iad ag maíomh go bhfuil siad ag feidhmiú Crannchuir sa Spáinn. Ná tabhair amach do chuid mionsonraí pearsanta agus ná tabhair aon airgead ar lámh, a bhféadfaí cur síos a dhéanamh air sin mar 'réamhtháille' nó ‘cáin' nó ‘árachas’. Má iontrálann tú le crannchur agus má éilítear ort airgead a íoc roimh ré nó más uimhir fón póca atá tugtha mar uimhir theagmhála teileafóin tá an dóigh ann gur camscéim atá i gceist.

De réir Aireacht Gnóthaí Eachtrach na Spáinne, tá duaiseanna Crannchuir na Spáinne saor ó cháin i gcónaí, agus tá comhaltaí de na grúpaí a bhí ag feidhmiú ón Spáinn gafa ag póilíní na Spáinne cheana féin agus tá siad faoi réir ag nósanna imeachta dlíthiúla. 

Dá bhrí sin, nuair a thairgtear ‘duaiseanna’ duit a dhéanann amach go bhfuil siad bainteach le Crannchur na Spáinne, ná híoc aon airgead. Chomh maith leis sin, seol cóip den doiciméadacht bhréige chuig an seoladh seo a leanas:

Loterías y ApuestasdelEstado – Seirbhís Comhairle Dlí

c/ Guzmán el Bueno nº137

28003 Maidrid, An Spáinn

Nó chuig uimhir facs 34 91 533 51 36

Póilíní

Tá dhá phríomhfhórsa póilíní sa Spáinn:

  • Is iad an Policía Nacional (Póilíní Náisiúnta) gníomhaireacht póilíneachta ceannchathrach náisiúnta na Spáinne. Déileálann siad le hábhair choiriúla, breithiúnacha, sceimhlitheoireachta agus inimirce. Cuir glaoch ar 091.
  • Feidhmíonn an Guardia Civil (Póilíní Sibhialta) i gceantair thuaithe go príomha. Tá feidhmeanna míleata agus sibhialtach araon acu. Cuir glaoch ar 0962.

Feidhmíonn an Policia Local (cuir glaoch ar 092) freisin sa chuid is mó de cheantair uirbeacha, agus tá siadsan freagrach as trácht agus as mionchoiriúlacht sna bailte móra.

Coiriúlacht a chur in iúl

Má dhéantar coir i do choinne agus tú sa Spáinn, cuir é sin in iúl do na póilíní láithreach trí ghlaoch a chur ar na seirbhísí éigeandála ag 112 – labhraíonn an lucht freagartha ar fad Béarla.

Cinntigh go bhfaighinn tú cóip den ‘denuncia’ (tuarascáil na bpóilíní) nuair a thuairiscíonn tú an choir. Mar shampla, má goideadh do chuid maoine, beidh tuarascáil na bpóilíní riachtanach do chríocha árachais. Má chailleann tú nó má ghoidtear do phas, coinnigh tuarascáil na bpóilíní ar mhaithe le héileamh árachais, le hiarratas a dhéanamh ar dheimhniú taistil éigeandála agus le hiarratas a dhéanamh ar phas nuair a fhilleann tú ar Éirinn.

Cinntigh gur ‘una denuncia’ atá ann agus nach dearbhú faoi mhionn atá ann (‘una declaración judicial’), mar go bhféadfadh sé nach nglacfaí leis an gceann deiridh sin mar fhianaise ar an gcoir do chríocha árachais, nó nuair atá tú ag déanamh iarratas ar phas nua.

Ag tabhairt tuarascála do na Póilíní

Féadfaidh tú tuarascáil na bpóilíní a dhéanamh ar thrí bhealach difriúil:

  • Go pearsanta: Seiceáil an liosta seo de stáisiúin phóilíní sna réigiúin difriúla sa Spáinn chun an ceann is gaire duit a aimsiú. Ní bhíonn ateangairí Béarla ar fáil i gcónaí ar ghearrfhógra mar sin ba chóir duit breithniú a dhéanamh ar dhuine a labhraíonn Spáinnis a thabhairt leat. 
  • Ar an teileafón: Féadfaidh tú tuarascáil a thabhairt do na póilíní i mBéarla trí ghlaoch teileafóin a chur ar 901 102 112.  Tá an tseirbhís Bhéarla ar fáil ón 9am – 9pm, seacht lá na seachtaine. Nuair atá do thuarascáil déanta agat, tabharfar treoir duit cóip sínithe den tuarascáil a phiocadh suas ón stáisiún póilíní is gaire duit. Is go pearsanta, áfach, a chaithfear roinnt coireanna a thuairisciú, go háirithe coireanna atá níos tromchúisí nó coireanna lena mbaineann foréigean.
  • Ar líne: Féadfaidh tú tuarascáil a thabhairt do na póilíní ar líne freisin, ach is i Spáinnis amháin a bheidh ar do chumas é sin a dhéanamh. Ní mór roinnt coireanna, go háirithe coireanna atá níos tromchúisí lena mbaineann foréigean fisiciúil a thuairisciú go pearsanta.

Léigh tuilleadh eolais maidir le comhairle sábháilteachta ó Phóilíní na Spáinne.

Gabháil agus  coinneáil

Cinntigh le do thoil, má ghabhann póilíní na Spáinne tú ag tráth ar bith, go réitítear gach ábhar breithiúnach  i do choinne agus go n-íocann tú aon fhíneáil sula bhfágann tú an Spáinn. Mura ndéanann tú é sin, d’fheadfadh sé go gcoinneofaí tú nuair a fhilleann tú ar an Spáinn agus d’fhéadfadh sé go dtabhófá tuilleadh fíneálacha nó fiú pianbhreith príosúnachta.

Cúnamh consalachta

Féadfaidh tú teagmháil a dhéanamh le hAmbasáid nó le Consalacht Oinigh na hÉireann má theastaíonn cúnamh uait.

Tiomáint

Tiomáineann tú ar thaobh na láimhe deise sa Spáinn. Tá rialacha bóthair na Spáinne cosúil a bheag nó a mhór le rialacha na hÉireann, tá na bóithre nua-aimseartha agus coinnítear go maith iad. Gluaiseann an trácht ag luas níos tapa ná mar a dhéantar in Éirinn agus tá na nósanna tiomána difriúil – tá tiomáint sa oíche contúirteach ach go háirithe. Má theastaíonn uait tiomáint:

  • Tabhair leat do cheadúnas tiomána Éireannach iomlán agus cinntigh go bhfuil árachas leordhóthanach agus iomchuí agat
  • Tá sé in aghaidh an dlí tiomáint faoi thionchar an óil nó drugaí agus tá an baol ann go gcoinneofaí tú, go gcuirfí fíneáil ort nó go gcuirfí toirmeasc ar thiomáint ort dá mbéarfaí ort.
  • Bí ar an eolas maidir le dlíthe tráchta na Spáinne, ar nós teorainneacha luais
  • Caith crios sábhála i gcónaí, sna suíocháin tosaigh agus na suíocháin chúil
  • Coinnigh doirse na feithicle faoi ghlas agus coinnigh do chuid málaí as radharc le hiarracht ar mhálaí a ghoid ag na soilse tráchta a sheachaint
  • D’fhéadfaí fíneáil a chur ort as fón póca gan fearas lámhshaor a bheith in úsáid agat agus d’fhéadfaí cead tiomána a bhaint díot freisin le linn duit a bheith sa Spáinn
  • Ní mór duit veist shofheicthe a chaitheamh agus úsáid a bhaint as comharthaí triantáin guaise má chaitheann tú stopadh ar thaobh an bhóthair

Coiriúlacht bhóthair

Bí aireach i gcónaí ó thaobh aon duine a thagann chugat ag maíomh gur oifigeach póilíní atá ann, bíodh an duine sin i ngnáth éide nó ag taisteal i bhfeithicil gan mharcáil.

Chomh fada is a bhaineann le cúrsaí tráchta, beidh oifigigh póilíní in éide i gcónaí.  Beidh comhartha gealánach leictreonach i bhfuinneog chúil na feithicle gan mharcáil, ar a bhfuil ‘Policía’ no ‘Guardia Civil’, agus de ghnáth bíonn soilse gorma gealánacha istigh sna ceannsoilse.

D’fhéadfadh oifigigh póilíní a bheith i ngnáth éide i gcúrsaí nach mbaineann le trácht. Tá sé de cheart agat, áfach, iarraidh ar oifigeach póilíní iad féin a chur in aithne. Chomh maith le sin, ní éileoidh oifigeach póilíní atá dleathach ort do mhála nó do vallait a thabhairt ar lámh. Má éilíonn siad aitheantas ort, taispeáin aitheantas grianghrafach ar nós do phas nó do cheadúnas tiomána dóibh. Má tá amhras ar bith ort, ba chóir duit labhairt leo trí fhuinneog an chairr agus ba chóir duit teagmháil a dhéanamh leis na Guardia Civil ar 062 nó le Póilíní Náisiúnta na Spáinne ar 112 agus iarraidh orthu a dheimhniú go dtagann uimhir chláraithe na feithicle le feithicil oifigiúil na bpóilíní.

Ag tiomáint HGV (feithicil earraí troma)

Ba cheart do thiománaithe leoraí a bheith ar an eolas go bhforfheidhmíonn póilíní na Spáinne fíneálacha a bhaineann le tacóiméadar agus le neamhrialtachtaí eile go docht. Tá na fíneálacha seo an-trom agus ní mór iad a íoc ar an láthair nó trí aistriú bainc. Féadfar an ceann deiridh sin a dhéanamh go díreach nó trí ghníomhaire Spáinneach na cuideachta iompair, má tá a leithéid acu.  Ar an bpointe is a dhéantar an íocaíocht, ligfear leis an fheithicil. Tugtar foirm achomhairc in éineacht leis an admháil.

Feithicil a fhruiliú

Má tá feithicil á fruiliú agat, moltar duit gan do phas a thabhairt ar lámh mar shlándáil.  Má thugann tú cead do phas a chóipeáil cinntigh go bhfuil tú in ann é a fheiceáil an t-am ar fad.

Seiceáil go bhfuil árachas leordhóthanach agat agus léigh coinníollacha agus téarmaí an chonartha fruilithe feithicle (go háirithe aon tarscaoileadh a mbeadh feidhm leis dá ndéanfaí damáiste don fheithicil).

Dlíthe agus nósanna áitiúla

Comhairle phraiticiúil

  • Léigh an chomhairle taistil, faigh an méid eolais agus is féidir leat roimh thaisteal agus faigh comhairle áitiúil nuair a shroicheann tú ceann scríbe
  • Cuimhnigh go mbaineann na dlíthe áitiúla leatsa mar chuairteoir agus tá sé mar fhreagracht ort iad a leanúint
  • Bíodh meas agat ar nósanna, traidisiúin agus ar chleachtais áitiúla mar go bhféadfaí féachaint ar d’iompar mar iompar míchuí, naimhdeach nó fiú in aghaidh an dlí

Alcól

De ghnáth bíonn na miosúir alcóil a dhíoltar i mbeáir agus i mbialanna na Spáinne i bhfad níos mó ná mar a bhíonn in Éirinn.  Tá cosc ar alcól a ól in áiteanna poiblí i Maidrid, sna hOileáin Bhailéaracha, agus sna hOileáin Chanáracha seachas i mbeáir agus i mbialanna ceadúnaithe.  D’fhéadfadh fíneáil a bheith mar thoradh ar neamhchomhlíonadh na rialacha sin.

Drugaí neamhdhleathacha

Fuair saoránaigh de chuid na hÉireann bás sa Spáinn mar gheall go raibh drugaí neamhdhleathacha tógtha acu. Féachann údaráis na Spáinne ar dhrugaí a bheith i seilbh duine, beag beann ar an méid, mar choir atá thar a bheith tromchúiseach agus d’fhéadfadh príosúnacht a bheith mar thoradh ar ghníomhaíocht den sórt sin. Tá na húdaráis i Palma de Mallorca agus inIbizaan-ghníomhach i bhforfheidhmiú an dlí in aghaidh drugaí neamhdhleathacha, agus tá an dóigh ann go ndéanfaidh siad ionchúiseamh i gcásanna a bhaineann le húsáid drugaí neamhdhleathacha nó iad a bheith i do sheilbh.

Airgead

Ní mór do gach duine sa Spáinn, beag beann ar náisiúntacht, aitheantas a thaispeáint nuair atá siad ag úsáid cártaí creidmheasa nó cártaí dochair. D’fhéadfadh sé go mbeadh ar do chumas do cheadúnas tiomána nó fótachóip de do phas a úsáid, ach d’fhéadfadh sé go n-éileofaí ort do phas bunaidh a thaispeáint.

Ag pósadh sa Spáinn

De réir an Central Civil Registry Office i Maidrid, chun go mbeadh beirt shaoránach de chuid na hÉireann ábalta pósadh sa Spáinn, ní mór go mbeadh duine acu ina saoránach dlíthiúil sa Spáinn le thart ar dhá bhliain anuas. Ar ndóigh, ní amhlaidh an cás má bhíonn saoránach de chuid na hÉireann chun saoránach de chuid na Spáinne a phósadh.

Tá go leor maorlathais ag baint le hiarratas a dhéanamh ar phósadh sa Spáinn, agus d’fhéadfadh sé go mbeadh go leor ama i gceist. Mar sin ba chóir duit neart ama a thabhairt duit féin roimh an dáta a bhfuil sé i gceist agat pósadh ar mhaithe leis an obair páipéarachais a thabhairt chun críche.

I dtús báire, ní mór duit a dheimhniú go gcomhlíonann tú na ceanglais dhlíthiúla, trí úsáid a bhaint as comhad atá próiseáilte de réir reachtaíocht an Chláir Sibhialta. D’fhéadfadh éagsúlú a bheith ag baint le foirmiúlachtaí i gclárlanna difriúla, mar sin seiceáil na doiciméid a theastaíonn uait trí theagmháil a dhéanamh leis an gClár Sibhialta sa cheantar ina bhfuil sé i gceist agat pósadh. Beidh ar do chumas liosta d’Oifigí na gClár Sibhialta de réir réigiún a fháil ar láithreán gréasáin Aireacht Dlí agus Cirt na Spáinne.

Bí ar an eolas, le do thoil, go bhféadfadh athrú a theacht ar cheanglais pósadh reiligiúnach de réir sainaicme chreidimh agus an ceantar ina bhfuil an t-iarratasóir ina chónaí agus ba chóir duit na ceanglais a sheiceáil leis an údarás ábhartha achar maith roimh ré.

Ag ceannach maoine sa Spáinn

Má tá sé ar intinn agat maoin a cheannach sa Spáinn, moltar go láidir duit dul i gcomhairle le comhairleoir dlí neamhspleách a bhfuil saineolas aige i ndlí réadmhaoine ón am a gcuirtear tús leis an bpróiseas. Faigh liosta de dhlíodóirí a labhraíonn Béarla sna réigiúin dhifriúla sa Spáinn

Bí ar an eolas go bhfuil dlíthe i gcodanna den Spáinn, go háirithe iValencia, a thugann teidlíocht d’údaráis áitiúla maoin faoin tuath a leithreasú ar mhaithe le forbairt agus le cuid den chostas a ghearradh ar úinéirí maoine maidir leis an fhorbairt sin.

Ba cheart d’úinéirí maoine a d’fhéadfadh a bheith ann agus d’úinéirí maoine atá ann a chinntiú go bhfuil a gcuid teideal dlí i leith na maoine in ord go hiomlán, mar go mbraitheann a gcuid cearta, mar shampla, ar fhógra maidir le phleananna forbartha ar an mhaoin a bheith cláraithe i gceart. Níor chóir do cheannaitheoirí maoine suimeanna móra airgid a bheith ar iompar acu ag tráth ar bith le linn na hidirbheartaíochta.

Tubaistí nádúrtha agus an aeráid

Comhairle phraiticiúil

  • Má tá tú ag taisteal chun na Spáinne, cinntigh go dtuigeann tú cad atá amach romhat – ansin déan do chuid pacála agus pleanála dá réir sin
  • Faigh comhairle áitiúil faoi cad ba chóir duit a dhéanamh i gcás eachtra tromchúiseach nó coinníollacha contúirteacha
  • Comhoibrigh le húdaráis áitiúla agus le seirbhísí éigeandála i gcás eachtra tromchúiseach

Comhairle Taistil Te Fuara

Dóiteáin

Tá baol ard ó dhóiteáin fhoraoise sa Spáinn i rith an tsamhraidh.  Bhí na dóiteáin mar chúis bháis agus aslonnaithe i roinnt cásanna. Bí ar an airdeall maidir leis an mbaol (go háirithe i gceantair thuaithe) agus seachain aon ghníomhaíocht a d’fhéadfadh a bheith mar chúis le dóiteán. Má tá tú i gceantar ina bhfuil dóiteán, lean comhairle na seirbhísí éigeandála áitiúla, fan amach ón áit ina bhfuil an dóiteán agus déan monatóireacht ar na meáin áitiúla ar mhaithe le heolas atá cothrom le dáta a fháil.

Crith Talún

Tá baol ó chreathanna talún sa Spáinn.  Mharaigh crith talún deichniúr (10) i Lorca, i ndeisceart na Spáinne sa bhliain 2011. There is also some occasional seismic activity off the coast of the Canary Islands.

Eolas Breise

Riachtanais iontrála (víosa/pas)

Pas

Beidh pas ag teastáil uait le dul chun na Spáinne. Cé nach bhfuil nach bhfuil aon íos-cheanglas bailíochta ann ó thaobh pas, ní mór go mbeadh do phas bailí ar feadh na tréimhse a bhfuil sé ar intinn agat fanacht sa tír. 

Má tá do leanbh formhuinithe ar do phas faoi láthair, moltar duit iarratas a dhéanamh ar phas ar leith don leanbh.

Ardchóras faisnéise do thaistealaithe

Éilítear ar iompróirí paisinéirí ón mbliain 2007, (aerlínte, báid fharantóireachta,etc.) mionsonraí maidir le paisinéirí atá ag dul chun na Spáinne a sholáthar. Ciallaíonn sé sin gur chóir do lucht iompartha paisinéirí ó Éirinn chun na Spáinne na mionsonraí seo a leanas maidir le gach paisinéir a sholáthar:

  • Ainm
  • Dáta breithe
  • Náisiúntacht
  • Uimhir agus an cineál doiciméad taistil (pas nó Cárta Aitheantais Náisiúnta)

De ghnáth tógann an t-iompróir na mionsonraí sin go huathoibríoch ag tráth na háirithinte, nó nuair atáthar ag seiceáil isteach.

Ag fanacht ar feadh tréimhse níos faide na trí mhí

Ní mór do gach saoránach AE a dteastaíonn uathu fanacht sa Spáinn ar feadh tréimhse níos faide ná trí mhí clárú go pearsanta san Oficina de Extranjeros (Oifig na nEachtrannach), atá mar chuid de halla an bhaile de ghnáth (Ayuntamiento), nó ag stáisiún póilíní ainmnithe.

Eiseofar Deimhniú Cláraithe duit, le d’ainm, seoladh, náisiúntacht, uimhir aitheanta (NIE) agus dáta cláraithe. Feidhmíonn an deimhniú mar dhaingniú go bhfuil tú cláraithe, ach ní aithníonn údaráis áitiúla é mar fhoirm bhailí aitheantais agus mar sin níl oibleagáid ort an deimhniú a iompar thart.