Fianáin

Úsáidimid fianáin ionas go bhfaighidh tú an taithí is fearr ar ár láithreán agus comhlíonaimid ár gceanglais Cosanta Sonraí ag an am céanna. Lean ort gan do chuid socruithe a athrú, agus gheobhaidh tú fianáin, nó athraigh do chuid socruithe fianáin ag aon tráth.

Súil Siar ar an mBliain 2016 – Ár Luachanna

I measc na gcuspóirí ardleibhéil de chuid na Roinne Gnóthaí Eachtracha agus Trádála inár Ráiteas Straitéise 2016-2019, tá domhan níos cothroime, níos córa, níos sábháilte agus níos inbhuanaithe a bhaint amach, agus tá sé sin ina chuid dár ráiteas misin foriomlán inár gcáil mar Roinn Rialtais.

Is éard atá i gceist leis sin:

– Dul chun cinn a dhéanamh i dtaobh dhíothú na bochtaineachta agus an ocrais agus forás geilleagrach do chách a chur chun cinn;
– Cearta an duine a chur chun cinn agus a chosaint ar fud an domhain;
– Tacú le timpeallacht idirnáisiúnta atá cobhsaí, slán agus bunaithe ar rialacha; agus
– A bheith ag obair chun creat nua a bhunú don fhorbairt inbhuanaithe ina rachfar i ngleic leis an athrú aeráide, slándáil an tsoláthair bhia agus saincheisteanna gaolmhara.

Tugtar samplaí sna scéalta thíos den obair a rinneamar in 2016 chun an sprioc sin a bhaint amach.