Carol Staunton

An Rannóg Trádála, An Roinn Gnóthaí Eachtracha agus Trádála

Thosaigh mé ag obair le Rannóg Trádála na Roinne i mí an Mhárta 2015, agus mé i m'oifigeach deisce i leith an chaidrimh chultúrtha. Is suimiúil an t-aistear oibre atá déanta agam go dtí seo, idir Yeats 150, Bhliain an Dearaidh Éireannaigh 2015, agus an obair ollmhór a bhíonn ar bun thar lear chun cultúr na hÉireann a chur chun cinn. Tá an-léargas faighte agam ar obair bheoga na Roinne.

Is mór an fuadar gníomhaíochtaí atá déanta nó feicthe agam den chéad uair ó thosaigh mé ag obair anseo: an obair ullmhúcháin sa chúlra do Lá Fhéile Pádraig; mo chéad uair ar an raidió, agus mé ag labhairt faoi fhilíocht agus spóirt ar an gclár Arena ar RTÉ 1; a bheith páirteach sa chéad mhalartú faoin scéim Malartú Cultúrtha Uíbh Eachach; a bheith ag obair chun clár Scoláirí Uíbh Eachach a fhorbairt; páirt a ghlacadh sa chéad Scéim Oiliúna do Chéimithe de chuid na Státseirbhíse, agus aithne a chur ar chairde agus ar chomrádaithe nua i ranna Rialtais eile; agus mo chéad uair ar an taobh eile den bhord agallaimh, agus measúnú á dhéanamh agam ar iarratasóirí éagsúla ar scoláireachtaí le comhghleacaithe ón Roinn Oideachais agus Scileanna agus ó ambasáidí áitiúla.

Ach ba é buaicphointe na bliana domsa é gan dabht an deis a bheith agam bualadh leis an oiread comhghleacaithe spreagúla iontacha. Léargas den scoth is ea an fháilte chroíúil agus an treoir chineálta uathu ar mheon na Roinne... agus ar a cur chuige i leith na hearcaíochta!