Neema Shosho

Ambasáid na hÉireann, An Tansáin

Thosaigh mise ag obair leis an Ambasáid in 2015 mar Chomhairleoir Cothaithe. Is é mo ról é tacaíocht theicniúil a thabhairt do Chúnamh Éireann sa Tansáin i dtaobh an ocrais, shlándáil an tsoláthair bhia agus an chothaithe. Bím ag obair leis an rialtas agus le heagraíochtaí neamhrialtasacha idirnáisiúnta agus áitiúla chun eolas a thabhairt do theaghlaigh faoin dea-chleachtas maidir le beathú leanaí agus daoine óga, amhail beathú cíche sna chéad sé mhí den saol, bianna a ullmhú atá cothaitheach, éagsúil agus a bhfuil fáil orthu sa cheantar áitiúil, agus sláintíocht agus sláinteachas cuí.

Chomh maith leis sin bím ag obair leis an rialtas áitiúil chun neartú a dhéanamh ar a gcuid pleanála, buiséadaithe agus maoirseachta i dtaobh gníomhaíochtaí cothaithe. Is tábhachtach an rud é a chinntiú go ndéantar dóthain infheistíochta i ngníomhaíochtaí cothaithe, ar nós oideachas a chur ar theaghlaigh faoin dea-chleachtas cothaithe agus féachaint le hathrú a dhéanamh ar iompraíocht daoine i dtaobh an chothaithe, agus go gcoinnítear leis na gníomhaíochtaí sin.

Tá mé ag baint suilt as mo chéad bhliain anseo san Ambasáid, go háirithe as an deis a bheith ag obair le foireann éagsúil, agus táim ag tnúth le blianta fada romham ag obair ar son Chúnamh Éireann.